Forýmnyń negizgi maqsaty - jumysshy kásipterin ózektendirý, qoǵamnyń materıaldyq ıgilikterin qamtamasyz etetin Eńbek adamynyń bedelin arttyrý.
Forýmdy QRKF Tóraǵasy Baqytjan Ábdiraıym ashyp, qatysýshylar aldynda sóz sóıledi. QRKF basshysy búginde Qazaqstandaǵy eńbek jastaryna jetkilikti nazar aýdarylmaıtyndyǵyn atap kórsetti.
«Biz kásipodaqtar qyzmetine jastardy belsendi túrde qatystyrýymyz tıis. О́zderińiz biletindeı, QR Kásipodaqtar federasııasy «Qazaqstannyń 100 jańa esimi» jobasy aıasynda kásipodaq salasy qyzmetkerlerine arnalǵan «Eńbek adamy: Qazaqstannyń jańa kelbeti» baıqaýyn jarııalady. Eńbek jastarynyń ókilderi bizdiń úmitkerler bolatyndyǵyna senimdimin!» - dep atap ótti Baqytjan Ábdiraıym.
Forým jumysyna QR Tuńǵysh Prezıdent Qorynyń Atqarýshy dırektorynyń orynbasary Igor Rogov, Jambyl oblysynyń ákimi Asqar Myrzahmetova, QR Parlamenti Májilisiniń depýtattary Darhan Myńbaı men Gennadıı Shıpovskıh, «Qazfosfat» JShS Bas dırektory, Qazaqstannyń Eńbek ardageri Muqash Eskendirov, QR QDM jastar jáne otbasy komıteti tóraǵasy m.a. Ashat Oralov, Ulttyq bilim berý jáne ınnovasııa palatasynyń tóraǵasy Murat Ábenov, áleýmettik-eńbek qatynastarynyń belgili sarapshylary qatysýda.
«Kásipodaqtar federasııasy eńbek jastaryna basa nazar aýdarýǵa nıetti. Búgin osy Forýmda jumysshy jastardyń ózekti máselelerin bilýdi, olardyń kásipodaqtarmen jumysyn ózektendirýdi, máselelerdi birigip sheshý joldaryn qarastyrýdy josparlap otyrmyz», - dedi Federasııa Tóraǵasy.
QR Tuńǵysh Prezıdent Qorynyń Atqarýshy dırektorynyń orynbasary Igor Rogovtyń pikiri boıynsha: «Biz úshin básekege qabiletti kadrlar - talantty jastar óte mańyzdy. Tuńǵysh Prezıdent Qory turaqty túrde jas jýrnalısterge, jazýshylarǵa, aqyndarǵa, fotograftarǵa, IT-mamandarǵa arnalǵan baıqaýlar ótkizedi. Jyl saıyn ondaǵan talantty mádenıet jáne ǵylym ókilderi Qor laýreattary bolady».
Jambyl oblysynyń ákimi Asqar Myrzahmetov oblystyń bılik ókilderi jastardy eńbek salasyna qatystyrý úshin qandaı qadamdarǵa baratyndyǵy týraly aıtyp ótti.
Forým óz jumysyn 27 qyrkúıek kúni bastaǵanyn atap ótý kerek. Osyǵan oraı, QR Kásipodaqtar federasııasy Tóraǵasynyń orynbasary Erlan Saıyrov atap ótkendeı: «QRKF qatysýymen ashylǵan «Kásipodaq kóshbasshylyǵy mektebi» Qazaqstandaǵy kásipodaqtar qyzmetiniń tıimdiligin arttyrýǵa baǵyttalǵan tuńǵysh keshendi bilim berý jobasy bolyp tabylady. Qazaqstannyń túrli óńirlerinde osy Mekteptiń alǵashqy shyǵarylymy ótti. Bastaýysh jáne salalyq kásipodaq uıymdarynyń 67 kóshbasshysy oqytyldy».
«Biz Federasııanyń «Qazaqstannyń 100 jańa esimi» jobasy aıasynda óz aksııasyn jarııalaǵanyn qýanyshpen qabyldadyq. Eńbek adamdary bizdiń áleýmettik qundylyqtar júıesinde laıyqty orynǵa ıe bolýy tıis» - dep atap ótti Murat Ábenov.
Jas kásipodaq kóshbasshylary úshin ǵylymı-qoldanbaly sektor ókilderiniń sheberlik saǵattary men alǵysózderi qyzyqty jáne tanymdy boldy: «Jastar úni» AQU Tóraǵasy, QR Prezıdenti janyndaǵy Jastar saıasaty jónindegi keńes múshesi, MQIAD janyndaǵy AMT Tóraǵasy Dáýren Babamuratov, «Bolashaq» qozǵalysy tóraǵasynyń orynbasary Talǵat Janısbaı, PhD doktor, QAZMZÝ dosenti, MVA SEO «Academy of labour relations» Bıbigúl Nurasheva jáne t.b.
Dáýren Babamuratovtyń pikiri boıynsha «100 jańa esim» jobasynda eńbek adamdary mindetti túrde bolýy tıis, sebebi, olar «ómirlik qıyndyqtar, qorqynysh pen qaýipterge kúndelikti tótep beretin, el damýy jolynda eren eńbek ıeleri bolyp tabylady».
Sonymen qatar, búgin respýblıkalyq forýmnyń negizgi bóliminde qoǵamnyń áleýmettik standartyn arttyrý máseleleri boıynsha sessııa ótkizildi. Atalmysh sessııanyń moderatory Jambyl oblysy AKB tóraǵasy Meırambek Tólepbergen boldy. Eńbek jastarynyń respýblıkalyq forýmyna qatysýshylar jeti tarmaqtan turatyn Merki Qararyn qabyldady.
Motıvasııalyq jáne strategııalyq sessııalar aıasynda tájirıbelik trenıngter, sheberlik saǵattary, tımbıldgter jáne basqa da sharalar ótkizildi.
Forým eńbek jastaryn áleýmettendirýdiń mańyzdy quraly bolyp tabylady jáne tehnıkalyq eńbektiń aldaǵy onjyldyqta áleýmettik-eńbek salasynyń negizgi trendi retindegi beınesin nasıhattaıdy.
