Osy jyldyń segiz aıynda atqarylǵan jumys nátıjesi QR Investısııalar jáne damý mınıstrliginiń bergen aqparatyna sáıkes ázirlengen ınfografıkada kórsetilgen.
Bıyl Memleket basshysy «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» joldaýynda baspanamen qamtý kórsetkishin bir turǵynǵa shaqqanda 2030 jylǵa qaraı 30 sharshy metrge deıin jetkizý mindetin qoıdy. Atalǵan mindetti oryndaýǵa qajetti barlyq jaǵdaılar jasalǵan, turǵyn úı jáne ıpotekalyq baǵdarlamalar tetikterin jaqsartý jónindegi barlyq sharalar qabyldanǵan.
Elimiz táýelsizdik alǵan ýaqyttan beri 26 jyl ishinde 1,1 mln turǵyn úı salynsa (jylyna shamamen 40 myń), «Nurly jer» baǵdarlamasyn iske asyrýdyń 15 jylynda 1,5 mln turǵyn úı, ıaǵnı 2,5 ese kóp nemese jylyna 100 myń turǵyn úıden salý josparlanǵan.
Osy jyldyń segiz aıynyń qorytyndysy boıynsha 7,7 mln sharshy metr turǵyn úı paıdalanýǵa berilgen, bul 2017 jyldyń sáıkes kezeńiniń 112% qurady, al jyldyq jospar 64%-ǵa oryndalǵan. Jyl qorytyndysy boıynsha jospardy tolyq kólemde oryndaý kózdelgen. Respýblıka boıynsha barlyǵy 67 055 turǵyn úı paıdalanýǵa berilgen, sonyń ishinde 26 665 — jeke úı.
