Banktyń baspasóz qyzmetiniń habarlaýynsha, «Úshinshi kóktem» tobynyń bastamasymen qolǵa alynǵan joba barysynda qatysýshylar banktyń astanadaǵy bólimshelerinde halyqqa qyzmet kórsetpek. Zeınetkerler bir aı kóleminde bankke kelgen jasy úlken tutynýshylardy qyzmetterine sáıkes baǵyttap otyrady.
«Kapıtal bank» jyl saıyn halyqaralyq qarttar kúnine ár túrli sharalar uıymdastyrady. Byltyrǵy jyldyń jaqsy nátıjesi bizdi «Jasa» ortalyǵyn ashýǵa qanattandyrdy. Jobaǵa qatysyp jatqan zeınetkerler negizinen jasy úlken tutynýshylarmen jumys istep, solarǵa kómek kórsetedi. Jobanyń maqsaty – zeınetkerlerdiń ózine senimdiligin arttyrý», deıdi banktyń marketıng bóliminiń basshysy Gıýnel Farzalıeva.
Búginde 95 bólimshesi bar banktyń qoldaýymen uıymdastyrylǵan «Jasa» ortalyǵy Ázerbaıjannyń eńbek jáne halyqty áleýmettik qorǵaý mınıstrliginine baǵynyshty. Qazirgi tańda toptyń 300 belsendi múshesi bar jáne ár jańa joba saıyn 40-50 adam qataryn tolyqtyryp turady.
