Nursaıa yqsham aýdanynda jedel-járdem qyzmetiniń jańa nysany ashyldy. Saltanatty shara ár jyldyń alǵashqy senbisinde toılanatyn qala kúnine oraı ótkizildi. Ashylý saltanatyna qala ákiminiń orynbasary Polymbet Hasanov, Atyraý oblystyq densaýlyq saqtaý basqarmasynyń basshysy Mánshúk Aımýrzıeva qatysty.
Oblystyq densaýlyq saqtaý basqarmasy basshysynyń aıtýynsha, jańa nysan jaqyn mańdaǵy úıler men yqsham aýdandardan 75 myń turǵyndy qabyldaı alady. Shaqyrtýlarǵa 8 jedel-járdem brıgadasy shyǵady. Jańa jedel-járdem beketiniń shtat quramy 50 adamnan turady. Jańa nysan zamanaýı qurylǵylarmen jabdyqtalǵan, barlyq reanımobılderde GPS-navıgatorlar ornatylǵan. Sondaı-aq, bul jerde alǵashqy kómek kórsetýden praktıkalyq trenıngter ótetin oqý-jattyǵý bólmesi bar.
- Jaqyn arada Nursaıa yqsham aýdanynda memlekettik-jekeshelik áristestik aıasynda 12 myń turǵynǵa qyzmet kórsete alatyn jańa emhana salynady. Atyraý oblysy ákiminiń tapsyrmasymen jergilikti bıýdjet jáne memlekettik-jekemenshik áriptestik esebinen jýyq arada Atyraýda taǵy bir beket, sonymen qatar úsh qosalqy jedel-járdem beketteri ashylady,- deıdi Mánshúk Aımýrzıeva.
Aıta keteıik, 1-7 qazan aralyǵynda Atyraýda qala kúnine oraı birqatar mádenı jáne sporttyq sharalar ótkizý josparlanǵan.
