Bıyl aımaq basshysynyń tapsyrmasy boıynsha qarjylandyrý kózi tabylyp, onkologııalyq dıspanserdiń qurylysy qaıta jańǵyrdy. NCOC kompanııasy bul áleýmettik- ınfraqurylym jobasyna 7 mlrd. teńgeden astam qarjy bóldi. Qurylys 2019 jyldyń sońyna qaraı aıaqtalady dep kútilýde.
Mańǵystaý oblystyq onkologııalyq dıspanserinde dıagnostıkalyq ortalyq, 100 oryndyq aýrýhana bolady. Birinshi qabatta emhana, ekinshi qabatta ákimshilik korpýs ornalasady. 3-ten 6-shy qabatqa deıin hımıoterapııa, hırýrgııa, sáýlelik terapııa, kúndizdi em-shara bólimi jáne t.b. bolady.
Búginde jańa klınıkada jumys isteý týraly úsh professor jáne basqada dárigerlermen kelissózder júrgizilýde.
Oblys ákimi E.Toǵjanov qurylys barysy týraly apta saıyn baıandap turýdy tapsyrdy. Sondaı-aq, barlyq qajetti zamanaýı jabdyqtardy satyp alý joldaryn qarastyrýdy qajettiligin jetkizdi.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
