Jıyn jumysyna memlekettik organdar ókilderinen ózge orman təlimbaqtary men basqarýshy kompanııalardyń basshylary qatysty.
Osy jylǵy kóktemde oblys aýmaǵynda 101 myń kóshet otyrǵyzyldy. Tabıǵı resýrstar jəne tabıǵatty paıdalanýdy retteý basqarmasy júrgizgen tekseris kóktemgi kóshetterdiń ulasyp ósýi 73% quraǵanyn kórsetti. Bul týraly jıyn kezinde basqarma basshysy Nurjan Aqqul baıandady. Ol sondaı-aq, kúzde kóshet otyrǵyzý kezinde oblystyń jasyl qory 41 myń kóshetke tolyǵady dep josparlanyp otyrǵanyn málimdedi.
Baıandamany tyńdap shyqqan oblys ákimi birqatar tapsyrmalar berdi.
- Eger 73 paıyz – naqty sıfr bolsa, onda bul edáýir kórsetkish. Aǵashtardyń ulasyp ósýin muqııat qadaǵalap, sonymen qatar, gúlzarlar men kógaldar alańyn úlkeıtý jumystaryn jalǵastyrý kerek, - dep atap ótti Berdibek Saparbaev.
Ol sondaı-aq, jaqyn mańdaǵy aýmaqtardy kógaldandyrý jumystaryna atmosferalyq aýany lastaýshy kásiporyndardy tartýdy tapsyrdy.
Budan basqa, óńir basshysynyń tapsyrmasymen Aqtóbede jańa saıabaqtar men gúl baqtaryn qurý jumystary jalǵasatyn bolady. Búginde qalada 66 saıabaq pen gúl baqtary bar. Olardyń 48-i kem degende úsh jyldyń ishinde memlekettik jáne bıýdjettik mekemelerdiń, túrli kásiporyndar qyzmetkerleriniń jáne beı jaı qaramaıtyn azamattardyń kúshimen «Týǵan jerge taǵzym» aksııasy aıasynda jabdyqtalyp, ashyldy. Saıabaqtar men gúl baqtary aýmaqtaryn sýarý jaǵdaıyn jaqsartý úshin bıyl sorǵylary bar 11 sý uńǵymasy burǵylandy, - dep jetkizdi Aqtóbe qalasynyń ákimi Ilııas Ispanov.
Jıyn sońynda óńir basshysy Aqtóbe qalasynyń turǵyndary men ujymdaryn qoǵamdyq senbilikterge qatysýǵa shaqyrdy.
Temir QUSAIYN,
«Egemen Qazaqstan»
