Esterińizge salsaq, Sooronbaı Jeenbekov 2018 jyldyń 30 tamyzynda túrkitildes memleketter men Qyrǵyzstan Respýblıkasynyń yntymaqtastyǵyna, mádenı jáne dostyq qarym-qatynas ornatýyna sińirgen eńbegi úshin «Dúısen Qaseıinovti «Danaker» ordenimen marapattaý» týraly jarlyǵyna qol qoıǵan bolatyn.
Qyrǵyzstannyń memleket basshysy Dúısen Qaseıinov basqaryp otyrǵan TÚRKSOI halyqaralyq uıymynyń túrkitildes memleketterdi jalǵaýshy rýhanı kópir bolyp sanalatynyn aıtty.
Sonymen birge, prezıdent TÚRKSOI Bas hatshysyna 2018 jyldy «Shyńǵys Aıtmatov jyly» dep belgilep, qyrǵyz aqyndary men jazýshylarynyń kitaptaryn basyp shyǵarǵany úshin rızashylyǵyn bildirdi.
Dúısen Qaseıinov Sooronbaı Jeenbekovke joǵarǵy marapaty úshin alǵys bildirip, 2018 jyldy «Shyńǵys Aıtmatov jyly» dep belgileý usynysyn uıymnyń barlyq múshesi qoldaǵanyn aıtty. TÚRKSOI halyqaralyq uıymynyń Bas hatshysynyń aıtýynsha, qarasha aıynda Qyrǵyzstan Respýblıkasynyń kómegimen Japonııa memleketinde Aıtmatovqa arnalǵan birneshe is-sharalar ótpek.
