Qazaqstandaǵy Dúnıejúzilik banktyń turaqty ókili Ato Braýn 2017 jyly Dúnıejúzilik banki ótkizgen, Qazaqstandaǵy jeke sektordyń qorytyndy dıagnostıkalyq sholýyn talqylaýǵa usyndy. Ol dástúrli mal sharýashylyǵy salalaryn damytý mańyzdylyǵyn atap ótti: etti mal sharýashylyǵy jáne qoı sharýashylyǵyn, óıtkeni Reseı men Qytaıda etti tutynýdyń úlken naryǵy, erkin jaıylym resýrstary men adamı áleýeti bar.
Dúnıejúzilik bank sarapshylary et sektoryn damytý jáne sarapshylyq áleýetti arttyrý úshin mal sharýashylyǵy ónimderin qadaǵalaý júıesin qurý boıynsha tájirıbelerimen bólisti. Atap aıtqanda, Dúnıejúzilik banktyń qoldaýymen mundaı júıe Ýrýgvaı jáne Brazılııada qurylǵan.
Sonymen qatar, dóńgelek ústelge Ýrýgvaıdyń burynǵy aýyl sharýshylyǵy mınıstri, aýyl sharýashylyǵy dúnıejúzilik bankiniń jetekshi keńesshisi qatysty. Tabare Agýerra óz sózinde Ýrýgvaıdaǵy etti baǵyttaǵy iri qara mal sektoryn damytý boıynsha tájirıbıesimen bólisti. Qazirgi ýaqytta Ýrýgvaı sıyr etin eksporttaýda álemdik naryqtyń 10% deıin qamtýda. Ol kishi sharýa qojalyqtardy damytýdyń mańyzdylyǵy sıyr etin óndirýge jol ashady.
Dúnıejúzilik bank sarapshylary Qazaqstan Úkimetiniń etti maldy damytý boıynsha jumysyn sonymen qatar, sharýa qojalyqtaryn damytýǵa kórsetip jatqan qoldaýyn joǵary baǵalady.
Dóńgelek ústel qorytyndysy boıynsha Dúnıejúzilik bank ókilderi Qazaqstandaǵy aýylsharýashylyǵyn damytýǵa qarjy bólýge daıyn ekendigin jetkizdi. Memorandýmdy qoldaý aıasynda, qazaqstandyq aýylsharýashylyǵy ónimderin Qytaı naryǵyna shyǵarýdy birlesip iske asyrý boıynsha kelisimge keldi.
