Qazaq eli sol arqyly ózgelerdi de óz ónegesimen órge bastaıtyn úzdik úlgige, ulaǵatty ustazǵa, jasampaz kóshbasshyǵa aınalýda. Buǵan postkeńestik elderdiń, sondaı-aq Azııa men Eýropanyń birqatar memleketteriniń prezıdentteri men úkimet basshylarynyń tıisti málimdemeleri kýá.
Degenmen, ómir bir ornynda turmaıdy. Elimiz kósh basynda qalýy úshin udaıy ilgeri basýy shart. Sondyqtan el Prezıdenti búgingi Joldaýynda: «Biz jańa mindetterdi atqarýǵa daıynbyz!» dep málimdedi. Endi kóptegen salalardy keshendi reformalar men qurylymdyq ózgerister kútedi. Bular búgin Elbasy jarııalaǵan «Memlekettik organdar qyzmetiniń tıimdiligin túbegeıli arttyrý» mindetinen órbimek. «Sapa» – memlekettik qyzmetshi ómiriniń jańa stıli, al ózin-ózi jetildirý – onyń basty qaǵıdaty bolýǵa tıis», dedi Nursultan Nazarbaev.
Bizdiń aýǵan ardagerleri de habarlasyp, bul Joldaýda Elbasymyzdyń Úkimet aldyna «mektepterde áskerı-patrıottyq tárbıeniń rólin kúsheıtý» mindetin qoıǵanyn úlken rızashylyqpen qabyldaǵandaryn aıtýda. Halqymyzdyń órshil rýhy, ulttyq ustyny, asqaq aıbary óskeleń urpaq boıyna búldirshin kezinen sińse, olar bolashaqta jańa bıikterge qanattanyp, uly murat-maqsattarǵa qulash silteıtin bolady.
Elbasynyń osy Joldaýda aıtylǵan, jalpy quny 1,5 trıllıon teńgeden asatyn, al jıyntyq áseri odan da kóp bolatyn ǵalamat bastamalary qolǵa alynysymen, Qazaqstan halqy olardyń ıgiligi men oń ózgeristerin sezine bastaıdy degen senimdemin.
Baqytbek SMAǴUL,
Májilis depýtaty,
Qazaqstan Ardagerleri Qaýymdastyǵynyń tóraǵasy
