Bıylǵy Joldaýda da Prezıdent halyqtyń turmystyq sapasyn arttyrýǵa qatysty mańyzdy oılar aıtyp, medısınalyq qyzmettiń áleýetin arttyrý azamattardyń áleýmettik kóńil kúıine áser etetin mańyzdy komponent ekendigine basa nazar aýdartty. Elbasy óz sózinde alǵashqy medısınalyq-sanıtarlyq kómektiń aýyldyq jerlerge qoljetimdiligin qamtamasyz etý týraly aıtýy, osy salada eńbek etip júrgen medısına qyzmetkerleriniń jalaqysyn kóbeıtý týraly bergen tapsyrmasy densaýlyq saqtaý júıesine eleýli serpin bereri sózsiz. Sondaı-aq kópten beri óz sheshimin tappaı kele jatqan medısınalyq mekemelerdegi qujattardy sıfrly nusqaǵa kóshirý isi de aldaǵy jyldan bastalatyndyǵy mańyzdy jaıttardyń biri bolyp otyr. О́ıtkeni bul keshendi shara dárigerlerdiń jumysyn edáýir jeńildetip, halyqqa kórsetiletin qyzmet sapasyn arttyra túsedi. Sonymen qatar aldaǵy 5 jyl ishinde bilim, ǵylym, densaýlyq saqtaý salalaryna jumsalatyn qarajatty ishki jalpy ónimniń 10 prosentine deıin jetkizý degen mindet te elimizdegi áleýmettik salanyń damýyn jańa beleske kóteredi dep oılaımyz.
Jalpy, Elbasy Joldaýynda aıtylǵan barlyq baǵyt óte mańyzdy jáne olardyń halyqqa bereri mol. Endi tek belgilengen josparly jumystardy sátti júzege asyryp, tátti jemisin tatýymyz kerek.
Sholpan BО́LEKBAEVA,
«UMC» korporatıvtik qorynyń Balalardy ońaltý ulttyq ortalyǵynyń dırektory
