Zardap shekkenderge kórsetetin jospardyń jalpy quny 50,5 mln dollar. Jarııa etilgen kómek jospary 191 myń adamǵa úsh aı boıy úzdiksiz kómek kórsetýdi kózdeıdi. Atalǵan jospar Indonezııa úkimetimen birlesip ázirlengen. Bul týraly Jenevada ótken jıynda BUU gýmanıtarlyq máseleler boıynsha basqarmasynyń ókili Iens Lerke aıtty.
Aıta keteıik, Indonezııanyń Sýlavesı aralynda, Ortalyq Sýlavesı provınsııasynyń ákimshilik núktesi Palý qalasyna jaqyn mańda magnıtýdasy 6,1 balǵa teń zilzala bolǵany belgili. Arada kóp ýaqyt ótpeı jatyp dál osy mańda zilzala 7,7 baldyq kúshpen kezekti márte soqty. Artynsha shaharǵa bıiktigi 6 metrge deıin jetetin sýnamı ekpindeı soǵyp, onsyz da qıraǵan qala úıdeı tolqyndardyń astynda qaldy. Osylaısha az ǵana ýaqyt ishinde 335 myńnan astam halqy bar qala kúl-talqan boldy.
