Búgingi jıynda Joldaýda áleýmettik saladaǵy máselelerge aıryqsha mán berilip otyrǵany basa aıtyldy.
«Jańa Joldaýdyń mazmuny Qazaqstan halqynyń ómir súrý sapasyn kóterýge negizdelgen. Osy oraıda onyń basty basymdyǵy el turǵyndarynyń ál-aýqatyn arttyrý bolǵandyqtan, Joldaý áleýmettik mánge ıe bolyp otyr. Atap aıtqanda, jahandyq qarjylyq-ekonomıkalyq turaqsyzdyqqa qaramastan, Elbasy áleýmettik jaýapty memlekettiń saıasatyn dáıekti túrde júrgizip keledi. Bul eńbekaqyny ósirý ǵana emes, sonymen qatar bizdiń azamattarǵa arnalǵan ınvestısııa. Osy turǵyda bizdiń ekonomıkaǵa ońtaıly yqpalyn tıgizedi. Joldaýdaǵy qadamdardyń barlyǵy kásipkerler úshin jańa múmkindikter beredi. Ásirese, shetelderden ınnovasııalar men ınvestısııalar tartatyn kásipkerler nazardan tys qalmaıdy», - dedi Qazaqstan halqy Assambleıasy tóraǵasynyń orynbasary Leonıd Prokopenko.
