«Keshegi Joldaýda Memleket basshysy «7-20-25» baǵdarlamasyn iske asyrý jumysy baıaý atqarylyp jatyr dedi. Shynymen de, solaı. Bizdińshe, atalǵan problemanyń negizgi sebebi - nesıeniń tek jańa páterlerge ǵana berilýi. Qurylys kompanııalary osyny bile tura, birden óz baǵalaryn 10-15 prosentke kóterip tastady. Sonyń saldarynan baǵdarlamany iske asyrý sharalary tejelip qaldy», - dedi partııa tóraǵasynyń orynbasary Tólegen Qýanyshev Demokratııalyq kúshterdiń «Qazaqstan-2050» jalpyulttyq koalısııasynyń otyrysynda.
«Birlik» partııasy «7-20-25» baǵdarlamasynyń sheńberinde bes jyldan aspaǵan páterlerge de nesıe berýdi usynyp otyr.
«Osy sheshimniń arqasynda qurylys kompanııalardyń «tábetin» tejeýge bolady. Eń bastysy, xalyq «7-20-25» baǵdarlamasymen úıdi óz baǵasyna alady. Árıne, jergilikti atqarýshy organdar alǵashqy jarna jaǵynan kómektesetin bolsa, osy saladaǵy jumys jandana túsedi», - dep atap kórsetti T.Qýanyshev.
