«Dóńgelek ústel» jumysyna Qazaqstan Respýblıkasynyń Memlekettik hatshysy, Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa tóraıymy Gúlshara Ábdiqalyqova, QR Qoǵamdyq damý mınıstri Darhan Káletaev, Qazaqstan Respýblıkasy Parlamentiniń depýtattary, otbasy jáne otbasylyq tárbıe máselelerin zertteıtin ǵylymı uıymdar basshylary men qoǵam qaıratkerleri qatysty.
QR Qoǵamdyq damý mınıstri Darhan Káletaev óz sózinde otbasy saıasaty salasy boıynsha arnaıy Jol kartasyn ázirleý jumystary júrgiziletinin atap ótti.
Mınıstrdiń aıtýynsha otbasylyq qundylyqtar men salt-dástúrlerdi ilgeriletý, urpaqtar sabaqtastyǵyn jalǵastyrý, otbasylarǵa kásibı kómek kórsetetin qyzmetterdi (áleýmettik qyzmetter, daǵdarys ortalyqtary, senim telefondary) ınstıtýsıonaldy baǵytta nyǵaıtý boıynsha jáne taǵy da basqa sharalar qabyldanatyn bolady.
«Dóńgelek ústel» barysynda otbasylyq jaǵdaıdyń negizgi áleýmettik-demografııalyq ındıkatorlary, onyń ishinde álemdik tendensııa, otbasyn damytýdaǵy qazaqstandyq tájirıbe qarastyryldy.
Is-sharanyń qorytyndysy boıynsha qatysýshylar ozyq halyqaralyq jáne ulttyq tájirıbeni qoldaný arqyly Qazaqstandaǵy otbasy ınstıtýtyn nyǵaıtý jáne damytý boıynsha usynymdar ázirledi.
