Oblystyq máslıhat depýtaty Svetlana Aıtbaeva: «Men Prezıdenttiń joldaýyn muqııat tyńdadym. Bul der kezindegi, ózekti qujat, onyń árbir tarmaǵy ýaqyttyń qazirgi jaǵdaıymen aıtylǵan. Elbasy barlyq qazaqstandyqtardy tolǵandyratyn birqatar problemalardy atap ótti. Muǵalimder kúni qarsańynda Nursultan Nazarbaevtyń muǵalimder mártebesin kóterý máselesin kótergeni qýantady. Onyń tapsyrmasymen «Pedagogtardyń mártebesin kóterý týraly» zań ázirlenip, onda júktemeni qysqartý, muǵalimder men balabaqsha qyzmetkerlerin yntalandyrý suraqtary qaralady dep josparlanyp otyr. Bul durys, óıtkeni kez kelgen memlekettiń bolashaǵy eń aldymen, óskeleń urpaqtyń tárbıesine baılanysty emes pe. Muny Qazaqstannyń keleshegi úshin isteý kerek», - dep óziniń pikirimen bólisti.
«Sonymen qatar, men shyǵarmashylyq adamy retinde mádenıet salasyndaǵy ózgerister týraly jańalyqtardy kútken edim. О́z suraqtarymnyń barlyǵyna da jaýabymdy aldym. Elimiz úshin ózekti másele - týrızmdi damytý bolyp qala beredi. Atalmysh salany sheteldik tájirıbeni eskere otyra kúsh salyp damytýymyz qajet jáne ol úshin bizde barlyq múmkindikter bar», - dep qosty ol.
№6 qalalyq emhananyń bas dárigeri Jeksenbi Kóptileýovtyń aıtýynsha Prezıdent óziniń jyl saıynǵy joldaýynda dástúr boıynsha sheshimi qarapaıym azamattardyń turmys sapasyn aıtarlyqtaı jaqsartýǵa múmkindik beretin mindetterdi qoıady.
Bas dáriger: «Prezıdenttiń jyl saıynǵy joldaýyn úlken qyzyǵýshylyqpen qabyldadym. Densaýlyq saqtaý salasynyń ókili retinde bes jyldyń ishinde bilim, ǵylym men densaýlyq saqtaý salasyna ketetin shyǵyn jalpy ishki ónimnen jalpy alǵanda 10% deıin jetkiziletini qýantady. Bul bizdiń sala turaqty damıdy degen sóz. Búginde memleket densaýlyq saqtaý salasyn damytý úshin barlyq jaǵdaıdy jasap jatyr: medısına mekemeleri sońǵy tehnıkalarmen jaraqtanǵan, bizde qandaı da bir dárilik zattardan problema joq. Bizge tek emdeýdiń jańa tehnologııalary men ádisterin engizýge kóńil aýdarý ǵana qalyp tur. Sondaı jaǵdaıda biz Nursultan Nazarbaevtyń alǵashqy medısınalyq-sanıtarlyq járdemge, ásirese aýyldyq jerlerde qol jetkizýdi arttyrý boıynsha tapsyrmasyn tıimdi oryndaı alamyz», - dep esepteıdi..
Buǵan qosa aqtóbelikter, eldiń túpkir-túpkirinde aqparattyq-túsindirý jumystaryn kúsheıtý jáne Elbasynyń barlyq tapsyrmalaryn árbir azamattqa jetkizý qajet dep sanaıdy.
