Búgin Nazarbaev Ýnıversıteti Joǵary memlekettik saıasat mektebi men Astana memlekettik qyzmet haby «Postkeńestik Eýrazııadaǵy memlekettik basqarýdyń zamanaýı máseleleri» taqyrybynda konferensııa ótkizdi.
Konferensııaǵa 30-dan astam eldiń, sonyń ishinde, Qazaqstan, Qyrǵyzstan, О́zbekstan, Reseı, Ýkraına, Grýzııa, Vengrııa, Sıngapýr, Qytaı, Nıderlandy, Malaızııa, Úndistan, Aýstralııa jáne ózge de elderdiń zertteýshileri, sarapshylary jáne memlekettik qyzmetshileri qatysty.
Astana memlekettik qyzmet haby Basqarýshy komıtetiniń tóraǵasy Alıhan Baımenov: «Bizdiń óńir elderi áleýmettik-ekonomıkalyq reformalardyń biregeı jolyn memleket rólin transformasııalaý jáne memlekettik qyzmettiń ózindik modelderin damytýmen qatar ótti. О́tken joldy oı eleginen ótkizý, jetistikter men máselelerdi taldaý ǵalymdar úshin de, memlekettik qyzmetshiler úshinde mańyzdy», - dep atap ótti.
О́z kezeginde, NÝ JMSM dekany Ven Tat Hýeı bylaı dedi: «Konferensııa 30-dan astam eldiń zertteýshileri men praktıktarynyń basyn qosqanyna qýanyshtymyz, olar bir-birimen memlekettik basqarý salasyndabilim men tájirıbe almasyp, bir-birinen úırený múmkindigine ıe boldy. Nátıjesinde,postkeńestik Eýrazııa elderiniń kóshbasshylaryna arnalǵan dáleldi saıasat qabyldanady dep senemin».
Konferensııanyń ashylý saltanatynda Ortalyq jáne Shyǵys Eýropadaǵy memlekettik basqarý mektepteri men ınstıtýttar jelisiniń Prezıdenti Georgıı Hadjnalda quttyqtaý sóz sóıledi.
Konferensııa aıasynda memlekettik menedjment, memlekettik qyzmetti reformalaý, úkimet, bıznes jáne azamattyq qoǵam arasyndaǵy ózara árekettestik jáne basqa da taqyryptar boıynsha sessııalar ótkizilip, onda 60-tan astam baıandama jasaldy. Konferensııaǵa qatysýshylar óz zertteýleriniń nátıjelerimen bólisip, bilimi men tájirıbesimen almasyp, áriptestikbaılanystaryn keńeıtti.
Memlekettik saıasat jáne basqarý máseleleri jónindegi halyqaralyq konferensııa ekinshi ret ótkizilip otyr. Osy jyly bas uıymdastyrýshylarmen qatar, Lı Kýan Iý memlekettik saıasat mektebi, Brıtan akademııasy jáne Olster ýnıversıteti de qoldaý kórsetti.
