Qurmetti qazaqstandyqtar!
Demokratııalyq kúshterdiń «Qazaqstan-2050» jalpyulttyq koalısııasy Memleket basshysynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna Joldaýynda kórsetilgen barlyq strategııalyq bastamalarǵa jan-jaqty qoldaý bildiredi.
Elbasy usynǵan teńdessiz sharalar ýaqytyly jáne reformalardy ári qaraı jalǵastyryp, qoǵam men memlekettiń básekege qabilettiligin arttyratyn tıimdi tetik bolyp tabylady.
Eń tómengi jalaqy mólsherin ósirý, bilim, ǵylym, densaýlyq saqtaýǵa jumsalatyn qarajatty kóbeıtý, qoljetimdi baspanamen qamtý, turǵyn úı-kommýnaldyq sharýashylyǵynyń qyzmet sapasyn arttyrý, kedergisiz orta qalyptastyrý – ár qazaqstandyq otbasynyń turmys sapasyn arttyratyn negizgi tetikter.
Túptep kelgende, bul – turmys sapasyn álemdik standarttarǵa jetkizýge baǵyttalǵan naqty qadamdar.
Qazaqstan Prezıdentiniń Joldaýy áleýmettik ádilettiliktiń qaǵıdalary men áleýmettik memlekettiń qundylyqtary elimizdiń eń basty strategııalyq basymdyqtary, al qazaqstandyqtardyń ál-aýqaty men ulttyq múdde Elbasy saıasatynyń negizi bolyp qala beretinin taǵy bir márte kórsetip berdi.
Qazaqstannyń árbir azamaty eldegi aýqymdy ózgeristerge ózderiniń qatysyn sezinýi tıis dep esepteımiz.
Elbasynyń Joldaýyn tıimdi júzege asyrý áleýmettik sala damýynyń sapaly jańa deńgeıin qamtamasyz etedi.
Biz, elimizdiń jetekshi saıası partııalary men qoǵamdyq birlestikteriniń ókilderi bolyp tabylatyn, 6,5 mıllıonnan astam Qazaqstan azamattarynyń múddesin bildiretin Demokratııalyq kúshterdiń «Qazaqstan-2050» jalpyulttyq koalısııasynyń músheleri, áleýmettik jańǵyrý jónindegi Qazaqstan halqyna arnalǵan Joldaý men Prezıdenttiń bes áleýmettik bastamasynda kórsetilgen aýqymdy mindetterdi júzege asyrýǵa belsendi qatysamyz.
Barlyq saıası kúshter men qoǵamdyq birlestikterdi, barlyq azamattyq qoǵam ókilderin Memleket basshysynyń Joldaýyn qoldaýǵa jáne ony iske asyrýǵa belsendi qatysýǵa shaqyramyz!
«Nur Otan» partııasy, «Aq Jol» Demokratııalyq partııasy, Qazaqstan Kommýnıstik halyqtyq partııasy, «Aýyl» halyqtyq-demokratııalyq patrıottyq partııasy, «Birlik» saıası partııasy, «Qazaqstan Respýblıkasynyń kásipodaqtar federasııasy» respýblıkalyq kásipodaqtar birlestigi, «Ardagerler uıymy» respýblıkalyq qoǵamdyq birlestigi, Qazaqstan Respýblıkasynyń «Atameken» Ulttyq kásipkerler palatasy, «Qazaqstan kásipkerleriniń forýmy» zańdy tulǵalar birlestigi, «G-Global-dyń Halyqaralyq hatshylyǵy» qaýymdastyǵy» zańdy tulǵalar birlestigi, «Jasyl» ekonomıkany qoldaý jáne G-Global-dy damytý koalısııasy» zańdy tulǵalar birlestigi, «Qazaqstan ýkraındarynyń radasy» zańdy tulǵalar birlestigi, «Qazaqstannyń daǵdarys ortalyqtary odaǵy» zańdy tulǵalar birlestigi, «Qazaqstannyń azamattyq alıansy» zańdy tulǵalar birlestigi, «Qazaqstan Respýblıkasynyń Ulttyq ǵylym akademııasy» respýblıkalyq qoǵamdyq birlestigi, «Qazaqstan Respýblıkasynyń Ulttyq ınjenerlik akademııasy» respýblıkalyq qoǵamdyq birlestigi, «Jańarý» sybaılas jemqorlyqqa qarsy jalpyulttyq qozǵalysy» respýblıkalyq qoǵamdyq birlestigi, «Qazaqstannyń isker áıelderi qaýymdastyǵy» respýblıkalyq qoǵamdyq birlestigi, «Qazaqstan múgedekteriniń konfederasııasy» respýblıkalyq qoǵamdyq birlestigi, «Qarýly kúshter ardagerleri» respýblıkalyq qoǵamdyq birlestigi, «Tutynýshylardyń ulttyq lıgasy» respýblıkalyq qoǵamdyq birlestigi, «Respýblıkalyq áıelder keńesi» qoǵamdyq birlestigi, «Qazaqstannyń isker áıelderi odaǵy» qoǵamdyq birlestigi, «Qazaqstan jazýshylar odaǵy» qoǵamdyq birlestigi, «Qazaqstan ardagerleri» qaýymdastyǵy, «DOS» táýelsiz ómir ortalyǵy» múgedekter qoǵamdyq birlestigi, «Qazaqstan-2050» Jalpyulttyq qozǵalysy, «Juldyz» balalar qoǵamdyq uıymdarynyń odaǵy» qoǵamdyq birlestigi, Qazaqstan Respýblıkasy Prezıdentiniń «Bolashaq» halyqaralyq stıpendııasy stıpendıattarynyń qaýymdastyǵy, Demokratııalyq kúshterdiń «Qazaqstan-2050» Astanalyq aımaqtyq koalısııasynyń músheleri.
2018 jylǵy 6 qazan,
ASTANA
