«Eń bastysy, bıyl bizde ulttyq sport túrlerinen sport mektebi ashyldy. Bıyl birinshi ret ulttyq at sporty túrleri bólimi jumys isteı bastady. Arnaıy attar satyp alyndy. Qazir mektepke júz shaqty jastar men balalar barady. Kelesi jyly at sport maýsymynda bizdiń ulttyq sport mektebiniń tárbıelenýshileri qatysatyn jarystar baǵdarlamaǵa enetin bolady», deıdi oblystyq deneshynyqtyrý jáne sport basqarmasynyń basshysy Evgenıı Vılıams.
Jalpy osy joly at sporty oıyndaryna 50 at qatysty. Alaman báıgege 14 tulpar jiberildi. Solardyń ishinen qaraǵandylyq atbegi Murat Esmaǵanbetovtyń tulpary máreni birinshi qıyp, ıesine Qostanaıdaǵy «SaryarqaAvtoProm» mashına zaýytynan shyqqan JAC temir tulparyn mingizip qaıtty.
Názıra JÁRIMBET,
«Egemen Qazaqstan»
Qostanaı
