«Bizdiń aldymyzda jańa bıikterdi baǵyndyrý mindeti tur. Jańa, qıyn, kúrdeli mindetter tur. Álem ózgerip barady, orynsyz saıasılanyp barady. Saıasat ekonomıkaǵa aralasty. Saıasattyń saldarynan ekonomıkaǵa tikeleı áser etetin, yqpal etetin faktorlar kóbeıip barady. Osyndaı kezde Elbasy Qazaqstannyń ekonomıkasyn halyqtyń ál-aýqatyn jańa satyǵa kóterý úshin naqty usynystardy engizip otyr. Atap aıtqanda, turmysy tómen adamdardyń ál-aýqatyn arttyrý jóninde eń tómengi jalaqyny 1,5 esege ósirý, bıýdjet mekemeleri qyzmetkerleriniń jalaqysyn 35%-ke ósirý sııaqty naqty qadamdar jasalǵaly otyr», - dep atap ótti depýtat.
Onyń aıtýynsha, Joldaýdan keıin muǵalimderdiń mártebesi artyp, el aldynda qurmeti eselene túsedi.
«Bir kezderi biz rahmet aıtqanda, yrza bolǵanda, bata bergende «molda bol, balam» dep aıtatyn el edik. Ol zamanda molda bolý - muǵalim bolý degen sóz. Búkil qazaqtyń saýatyn ashqan - moldalar. О́kinishke qaraı, obektıvti jáne sýbektıvti pikirlerge baılanysty muǵalimderdiń mártebesi tómendedi. Aýyldyq jerde qolbalaǵa aınalyp, kez kelgen sharýaǵa aldymen muǵalimdi jegetin jaǵdaı qalyptasty. Endi pedagog mártebesi týraly zań qabyldaǵannan keıin bul máselede naqty ózgerister bolatynyna senemiz jáne Parlament depýtattary retinde onyń ishinde áleýmettik mádenı damý komıtetiniń múshesi retinde bul salaǵa, bul jumysqa mindetti túrde aralasatyn bolamyz», - dedi S. Abdrahmanov.
Al, Joldaýdyń jarııalaný merzimi týrasynda bylaı dedi:
«Osyǵan deıin biz Joldaý jyldyń basynda, keıde tipti naýryz aıyna beriletinine úırengenbiz. Jyl ishinde atqarylatyn jumysty naýryzdan bastaý nemese tapsyrmalardy qańtarda alý tıimdi emes. Mine qazir qazan aıynyń basynda aıtylyp, mejeler belgilendi. Arnaýly zańdar qajet bolsa, biz qazan, qarasha, jeltoqsan aılarynda ol zańdardy qabyldaı alamyz. Bıýdjetke de ózgeris engize alamyz. Bul óte yńǵaıly»
