Menińshe, Qazaqstannyń Dúnıejúzilik bank reıtıngisindegi kóptegen kórsetkishter, sonyń ishinde «Doing Business» ındıkatory boıynsha alǵa shyǵýy kezdeısoq emes. Jetekshi ekonomıkasy bar kóptegen elderdiń osy bir qazaqstandyq tásildi ózderine yńǵaıly etip ıemdenýine bolar edi dep oılaımyn.
Josparly damý men baǵytty ýaqtyly túzetip otyrý týraly aıtqanda, eń aldymen Qazaqstan Prezıdenti Nursultan Nazarbaevtyń jyl saıynǵy halqyna Joldaýyn erekshe atap ótkim keledi. Bul Joldaý ózeginde eldiń aldaǵy jylda jáne bolashaqta qalaı qaraı damý kerektiginiń jan-jaqty shemasy men is-áreket algorıtmi turady. Men N.Nazarbaev myrzanyń ótken jylǵy Joldaýyn zerdelep shyqqan edim, bul jolǵy Joldaýymen de tanystym. Bul qujattardyń birizdiligin, jalǵastylyǵyn, bir-birin ózara tolyqtyryp turatyn logıkalyq júıeliligin kórip otyrmyn.
Prezıdent myrza óz oı-pikirin halyqaralyq saıasat pen ekonomıka qaǵıdattaryn tereń túsinýimen qýattap otyrady. Osy oraıda Qazaqstan halqynyń bılik kórsetken qamqorlyqtyń ıgiligin kórýine, al el basshylyǵynyń alǵa qoıǵan maqsattarǵa tabyspen qol jetkizýine tilektestik bildiremin.
Frantıshek MASOPÝST,
TMD elderi boıynsha saýda-ekonomıkalyq palatasynyń basqarma tóraǵasy
