Otyrysty ashqan «Nur Otan» partııasy Tóraǵasynyń birinshi orynbasary elimizdiń əleýmettik-ekonomıkalyq damýynyń ózekti məselelerine jəne qazaqstandyqtardyń əl-aýqatyn odan əri arttyrý mindetterine arnalǵan Joldaý Elbasy saıasatynyń beriktigi men turaqtylyǵyn kórsetetinin aıtty. «Elbasynyń Joldaýynda qoǵamda qyzý talqylanyp júrgen eń ózekti áleýmettik máseleler qamtylǵan. Memleket basshysy sol máselelerdi sheshý úshin naqty sharalardy usynyp otyr. Atap aıtqanda, halyqtyń ál-aýqatyn arttyrý, turmys-jaǵdaıyn jaqsartý, baspanaǵa qoljetimdilikti qamtamasyz etý, turǵyn úı-kommýnaldyq sharýashylyǵyndaǵy qordalanǵan máselelerdi sheshý, tarıfterdi shekteý jáne joldardy jóndeý, qoǵamdyq qaýipsizdik sekildi máseleler kóterilgenin bilemiz», dedi Máýlen Áshimbaev.
Sondaı-aq jıyn barysynda Elbasy aıqyndap bergen áleýmettik jańǵyrýdyń negizgi basymdyqtary Qazaqstandy ómir súrý deńgeıi jaǵynan álemdegi eń damyǵan elderdiń qataryna qosatyn negizgi tetik ekeni aıtyldy. Osyǵan oraı «Nur Otan» partııasy naqty baǵyttar boıynsha júıeli túrde jumys júrgizbek. «Birinshiden, barlyq saıası partııalar jáne qoǵamdyq kúshter men memlekettik emes uıymdar birigip, Elbasy usynystarynyń máni men mańyzyn halyqqa túsindirýge atsalysýy kerek. Ekinshiden, atalǵan uıymdar Joldaý basymdyqtaryn júzege asyrýdyń tıimdi tetikterin talqylap, ony Úkimetpen birlesip atqarýǵa úles qosýdy kózdep otyr. Úshinshiden, «Nur Otan» basqa da saıası partııalarmen jáne memlekettik emes uıymdarmen kúsh biriktirip Joldaýdyń júzege asyrylýyna júıeli túrde qoǵamdyq baqylaý júrgizýdi qolǵa alady», dedi ol.
Partııa Tóraǵasynyń birinshi orynbasary, sondaı-aq Memleket basshysynyń usynystaryn barlyq negizgi saıası partııalar men qoǵamdyq kúshter qoldap otyrǵanyn, oǵan demokratııalyq kúshterdiń jalpyulttyq koalısııasynyń jınalysy dálel ekenin atap ótti.
Otyrysqa eldegi jetekshi partııalardyń basshylary, Parlament depýtattary, Qazaqstan halqy Assambleıasynyń, kásibı jáne qoǵamdyq birlestikterdiń ókilderi qatysty. Jıyn barysynda Koalısııa músheleri Memleket basshysynyń jańa Joldaýyna baılanysty óz oılaryn ortaǵa salyp, pikirlerimen bólisti. Atap aıtqanda, «Aq jol» demokratııalyq partııasynyń tóraǵasy, Májilis depýtaty Azat Perýashev, Qazaqstan kommýnıstik halyq partııasynyń hatshysy, Májilis depýtaty Jambyl Ahmetbekov, Prezıdenttiń bes áleýmettik bastamasynyń júzege asyrylýyn baqylaý jónindegi qoǵamdyq keńestiń tóraǵasy, Parlament Senatynyń depýtaty Baqytjan Jumaǵulov, «Atameken» ulttyq kásipkerler palatasynyń basqarma tóraǵasy Abylaı Myrzahmetov, Qazaqstan Respýblıkasy Kásipodaqtar federasııasynyń tóraǵasy Baqytjan Ábdiraıym, Qazaqstan azamattyq alıansynyń prezıdenti Asylbek Qojahmetov, «Qazaqstan Respýblıkasy Prezıdentiniń «Bolashaq» halyqaralyq stıpendııasy stıpendıattarynyń qaýymdastyǵy» keńesiniń tóraǵasy, Májilis depýtaty Baqtııar Máken jáne «Qazaqstan-2050» jalpyulttyq qozǵalysy keńesiniń tóraǵasy Muhtar Mankeev sóz alyp, Joldaýda kórsetilgen bastamalar halyqtyń turmys deńgeıin jańa deńgeıge kóteretinin aıtty.
Máselen, A.Perýashev Elbasynyń Qazaqstan halqyna Joldaýyn negizge ala otyryp, buqaralyq tutyný taýarlary boıynsha ishki naryqty qoldaý tetikterin ázirleý kerektigine toqtaldy. «Aq Jol» partııasy úshin álbette, kásipkerliktiń damýyna negizdelgen blok óte mańyzdy bolyp otyr. Salyqtyq amnıstııa týraly aıta keteıin. Joldaý barysynda Prezıdent «ósim men aıyppuldardy amnıstııalaý» týraly aıtyp ótti. Bul óte keremet bastama. Nelikten ekenin aıtyp bereıin. Búgingi tańda iri jáne orta bızneske qatysty salyqtyq tekseris salyqtyq esep alý kezinde aıyppulǵa ákelip soǵatyn qateliktiń baryn anyqtap, sońǵy bes jyl merzimimen birge aıyppuldyń mólsherinen tórt ese kóp alashaqty tóleýge mindetteýi múmkin. Osylaısha, kásipker bankrotqa ushyraý jaǵdaıyna jetedi», dedi «Aq jol» demokratııalyq partııasynyń tóraǵasy.
A.Perýashev osy máseleni sheshý úshin «Aq jol» partııasy Úkimetke birneshe ret shyqqanyn atap ótti.
О́z kezeginde Jambyl Ahmetbekov Elbasy Joldaýy qazaqstandyqtardyń áleýmettik jaǵdaıyn jaqsartýǵa, turmysyn túzeýge baǵattalǵan qujat ekenin atap ótti. «Joldaýda halyqtyń turmys-tirshiligin jaqsartý, barlyq azamattardy ózderiniń kásibine, mamandyǵyna, bilimine saı laıyqty jumyspen qamtamasyz etý basym baǵyttar retinde belgilendi. Eń tómengi jalaqyny 1,5 esege kóbeıtip, 28 myńnan 42 myń teńgege deıin kóterý týraly tapsyrma berildi. Bul ózgeris jalaqysy tómen azamattarǵa naqty qarjylaı kómek túrinde áser etetin bolady. Memleket bes jyl ishinde IJО́-niń 10 paıyzyn bilim, ǵylym jáne densaýlyq saqtaý salasyna jumsaıtyn bolady. Bul úlken qarajat. Qazaqstan qoǵamyndaǵy muǵalimderdiń mártebesin kóterý kún tártibindegi másele dep oılaımyn. Bul baǵytta Elbasy birqatar mindetter júktedi. Ol birinshiden, «Pedagogtar mártebesi týraly» zań jobasyn ázirleý. Sol zańnyń aıasynda olardyń laıyqty eńbek aqylaryn alýyna jaǵdaı jasaý, muǵalimderdi kóldeneń qoǵamdyq jumystardan bosatý qaralady, muǵalimderdi jappaı tekserýdi toqtatylady», dedi J.Ahmetbekov.
Sondaı-aq ol taǵy da birqatar ózekti máselelerdiń Joldaýda oryndy kóterilgen sóz ete kelip, Joldaýdy Qazaqstan kommýnıstik halyq partııasy qoldaıtynyn jáne ony halyq arasynda nasıhattaýǵa uıym óz deńgeıinde atsalysatynyn aıtty.
Prezıdenttiń bes áleýmettik bastamasynyń júzege asyrylýyn baqylaý jónindegi qoǵamdyq keńes tóraǵasy, Parlament Senatynyń depýtaty Baqytjan Jumaǵulov otyrysta Elbasy Nursultan Nazarbaevtyń Joldaýyndaǵy bastamalardy ásirese ustazdar qaýymy jyly qabyldaǵanyn jetkizdi. «Elbasynyń Joldaýynda bilim, ǵylym, medısına salasyna 5 jyldyń ishinde IJО́-niń 10 prosenti kólemine deıin qarajat bólý týraly tapsyrmasy meni ǵalym retinde erekshe qýantty. Sońǵy 15-20 jylda ǵalymdar osy máseleni kóterip kele jatyr. Qazir bizdiń ǵylymnyń qarjylandyrylýy – 0,13 paıyz ǵana. Jaqynda ǵana Senatta ótken Qazaqstannyń barlyq ǵalymdary jınalǵan úlken dóńgelek ústelde osy másele qyzý talqylanǵan edi. Osydan 2-3 kún buryn Bilim jáne ǵylym mınıstrliginde ótken forýmda da osy másele týraly kóp aıtyldy. Keshegi Joldaýdy Elbasynyń ǵylym salasyna basymdyq bergeni bizdi erekshe qýantty. Ǵylymǵa bólinetin qarajat kóbeımese, onyń ekonomıkaǵa bereri az bolady dep oılaımyn», dedi senator.
Otyrysta Abylaı Myrzaxmetov Prezıdent Joldaýynda kásipkerler úshin kedergisiz orta jasaý jaıy atap kórsetilgenin, ásirese, jer máselesi boıynsha naqty sharalardy qolǵa alý mindeti qoıylǵanyn qozǵady. «Atameken» ulttyq kásipkerler palatasyna kóptegen aryz-shaǵymdar túsip jatady. Sonyń 15-20 prosenti jer máselesine baılanysty. Ásirese, aýyldy jerlerde qıyn. Máselen, Elbasynyń bes áleýmettik bastamasy aıasynda shaǵyn nesıeler berilip keledi. Aýyldaǵy azamattardy bızneske úıretýge qatysty naqty tapsyrma bar. Biz olardy oqytyp jatyrmyz, nesıe berip jatyrmyz. Olar mal alǵysy keledi, jer óńdegisi keledi. Al jerge qoly jetpeı jatady. Jergilikti ákimdikter jerge qatysty aqparatty ashyq jarııalamaıdy. Negizi, qaltaly azamattar myńdaǵan jerdi alyp alǵan, ne ózi óńdemeıdi, ne óńdeımin deıtin basqa fermerlerge bermeıdi. Elbasy osy máseleni de qolǵa alý qajettigin aıtty», dedi A.Myrzaxmetov.
Is-shara sońynda Joldaýǵa qoldaý bildirgen, elimizdiń barsha azamattaryn jyldyń basty qujatyn talqylaý, túsindirý jáne iske asyrý jumystaryna belsendi qatysýǵa shaqyrǵan Úndeý qabyldandy.
Aıta keteıik, Demokratııalyq kúshterdiń «Qazaqstan-2050» jalpyulttyq koalısııasy «Nur Otan» partııasynyń bastamasymen qurylǵan. Ol 5 saıası partııanyń jáne 24 iri qoǵamdyq birlestiktiń basyn biriktirip, 6,5 mln qazaqstandyqtyń múddesin qorǵaıdy. Sondaı-aq Koalısııa elimizde bolǵan kez kelgen saıası oqıǵa men strategııalyq mańyzy bar bastamalarǵa qatysty birden óz pikirin bildirip, ártúrli usynystaryn joldap otyrady.
Joldybaı BAZAR,
«Egemen Qazaqstan»
