Ár qazaqstandyqtyń oıyn jetkizdi - Áljan Shámshidin

Solardyń qata­rynda ózim­niń nazarymdy aýdar­ǵan birneshe másele bar. Ol árı­ne óz salama baılanysty. Pre­­zı­denttiń aýyl sharýa­shy­­lyǵy salasyndaǵy eń­bek ónim­­diligin arttyrý úshin teh­nı­kalyq jabdyqtardy barynsha jańartý, sońǵy tehnologııalardy únemi qoldanysqa engizip otyrý, jyl saıyn qo­symsha osy salaǵa 100 mlrd dol­lar kóleminde qarjy bólý týraly aıtqandary kóńili­me qondy. Sondaı-aq daıyn aýyl sharýa­shylyǵy ónimde­rin eks­porttaýǵa, aýyl sharýashylyǵy ǵylymyn damytýǵa erekshe kóńil aýdarǵany qatty unady. 

Jalpy sońǵy jyldary elimizdiń aýyl sharýashy­lyǵy­nyń aıaqtanyp ketýi úshin memleketten bólingen qarjynyń kólemi eki esege ulǵaıǵanyn aıtqym keledi. Máselen, tek ǵy­lymı jumystardy júrgizip, salanyń ınnovasııalyq damýyna 7 jarym mlrd teńge bólin­di. Jańa tehnologııalyq jab­dyqtarmen qamtýǵa memleketten 4 mlrd-tan astam, al baza­lyq qarjylandyrýǵa 2,5 mlrd teńge bólindi. Jalpy alǵanda, salanyń ǵylymı damýy úshin zertteý ortalyqtaryna, ǵylymı mekemelerge 14 mlrd teńgeden astam qarjy quıylmaq. 

Elbasynyń megapolıster men iri qalalar mańaıynda qaı­ta óńdeý zaýyttarynyń ón­di­risin qolǵa alý týraly tapsyr­masy aýyl sharýashylyǵy salasynyń ókilderine, jalpy naryqta jańa jumys oryndaryn ashý múmkindigin beredi. 

Elimizdiń eksportqa shyǵara­tyn daıyn ónimderdi jasap shyǵarýǵa áleýeti mol. Qolbaı­laý – Elbasymyz aıtqandaı jańa kadrlar men jańa tehnologııalar jetispeýshiligi. Eger ekeýin neǵurlym tezirek qolǵa alsaq, elimizdiń aýyl sharýa­shylyǵy soǵurlym tez damıdy degen oıdamyn.

Áljan ShÁMShIDIN,

«Mal sharýashylyǵy jáne veterınarııa ǵylymı-ınnovasııalyq ortalyǵynyń» dırektory