Jastardy jigerlendirgen Joldaý

Sharanyń basty maqsaty – el jastaryn Prezıdent N.Nazarbaev Joldaýyn talqylap, memlekettik jastar saıasatyn júzege asyrýǵa belsene qatysýǵa shaqyrý. Qoǵamdyq damý mınıstrliginiń Jastar jáne otbasy isteri komıteti men EUÝ uıymdastyrǵan forýmda elorda jastarynyń 700-ge jýyq belsendi ókilderi qatysty. Ashyq dıalogtyq alańda bas qosqan jastar búgingi kúnniń problemalary men ózekti taqyryptardy ortaǵa saldy.

«Eýrazııa ulttyq ýnıversı­teti − 24 myńdyq ujym. Bul ujym stýdentterge bilim arqyly otan­shyldyq hám azamattyq pozı­sııany úıretýge jumylyp otyr. О́ıt­keni táýelsizdikten bergi shırek ǵasyr­dan astam ýaqyt belesinde biz ózimizge baǵa berip, ólshemderdi anyqtaýymyz kerek. Búgingi jastardyń mindeti − jeke jaýap­ker­shilik qana emes, memlekettiń, eldiń jaýap­ker­shiligin qosa seziný. Biz ómirdiń, qoǵam­nyń, álemniń aınasyna qaraıtyndaı kezeńge keldik. Ol aına bizden sát saıyn jeti­lýdi jáne jaýapkershilikti talap etedi. Al endi jastar bizdiń qoǵamymyzda qandaı qajet­tilikter bolsa, soǵan saı jaýap berýi tıis. Ol jaýapkershilikti atqarýshy bılikke ar­typ qoımaı, qoǵamnyń árbir múshesi sezinýi tıis», dedi EUÝ prorektory Dıqan Qamzabekuly. 

Al Jastar jáne otbasy isteri komıte­tiniń tóraǵasy qyzmetin atqarýshy Ashat Razdyquly «2015 jyl «Qazaqstan halqy Assamb­leıasynyń» jyly bolǵanda ár aımaq­ta Dostyq úıleri ashyldy. 2019 jyly Qazaq­stannyń ár aımaǵynda Jastar úıleri ashylsa degen úmit bar» deı kele, aýyl jáne qala jastaryna arnal­ǵan arnaıy jobalarǵa qatysty usynystardy qabyldaýǵa ázir ekenin jetkizdi. 

Forým barysynda sóz al­ǵan kezekti spıker Parlament Má­jilisiniń eń jas depýtaty – Gennadıı Shıpovskıh. «Biz Par­lamenttiń ǵana emes, halyqtyń ókilimiz. Halyqtan shyqqan únge únsizdikpen jaýap berý durys emes. Sondyqtan osyndaı ashyq dıalogtyq alańdarda jıi bas qosyp, ózekti problemalarǵa bárimiz birge atsalysaıyq», dedi ol. Sondaı-aq Májilis depýtaty balalyq shaǵyna sholý jasap, ótken kúnniń este­lik­terimen bólisti. Búgingi kúnge úlken eńbekpen jetkenin tilge tıek etti. Forýmǵa jınalǵan jastardy yntalandyryp, úlken ómirge tabandylyqpen qadam basý haqynda oı tastady. Forýmnyń ózge spıkerleri «Jas Otan» jastar qanatynyń atqarýshy hatshysy Dáýlet Káribek, «Nur-medıa» holdıngi dırektorynyń oryn­basary Maksım Spotkaı, Eýrazııa gýma­nı­tarlyq ınstı­týty­nyń Jastar isi jónin­degi komıtetiniń tóraıymy Nurgúl Tyr­nahan shara barysynda oı-pikirlerin ortaǵa salyp, bul Joldaýdy jastar júzege asyrýy tıis ekenin erekshe atap ótti. 

Shara barysynda «Orator» pikir-saıys klýbynyń prezı­denti Isa Toqtybaev «Zaman­das­tarym­nyń halyq­ara­lyq deńgeıde mol tájirıbe alyp, álem stýdentterimen etene aralassa degen tilegim bar. Masloý pıramı­dasyndaǵy eń tómengi qajettiliktiń barlyǵy qam­tylatyn bolsa, jastar Masloýdyń kele­si deńgeıine ótip, rýhanı damý­dyń alǵy­sharttaryn ıgeredi degen oıdamyn», dedi. 

Forýmnyń kelesi qatysý­shysy «Jas Ulan» balalar men jas­óspirim­der uıymy» tór­aıymynyń oryn­basary Bekarystan Amanjolov. Beka­ry­stan­nyń aıtýynsha, árbir adam óz basyndaǵy jaýapkershilikti ózgege artýdan aýlaq bolýy kerek. Qazir­gi ta­ńda áleýmettik jelige ár­túrli más­e­l­e­ni kóterip post jaz­ǵannan bólek, sol máselege men de jaýaptymyn dep qaraýy tıis. «Adamdardyń kókeıinde «Azamattyq jaýapkershilik» degen túsinik tolyq qalyptas­qan­da ǵana biz máselege beıjaı qaraýdy doǵaramyz. Odan ózge jastardyń shákirtaqy máselesin qarastyrý kerek. Izdenýshiler oqý prosesi kezinde jumys jasaý syndy ózge máselelermen bas qatyryp júredi. Demek eń tómengi jalaqydan da tómen shákirtaqy alatyn stýdent­tiń qanshalyqty bilimdi bolatyny ózekti suraq», dedi Bek­arystan. «Jastar jylynda» ınnovasııa­lyq jańalyqtardan qur qalmaı, zertteý nysandaryna kúsh salý kerek. Son­daı-aq Skandınavııa, Norve­gııa elderindegi «áleýmettik kásipkerlikti» mysal etip, jas­tardyń tyń jobalaryn júzege asyrý jaıynda sóz qozǵady. 

Forým sońynda stýdentter suraq qoıyp, oı-pikirlerin ortaǵa saldy. «Boı emes, oı jarystyratyn» zamanda jastardyń syn turǵysynan oılaý qabileti men básekelestikke degen yntasy joǵa­ry bolýy shart. Boıda jastyq jalyn men jiger barda, Elbasymyz dit­tegen jolda nátıjeli jumys atqarylady degen úmit basym. Elbasynyń Joldaýyn jas urpaq qoldap, eki aıaǵyna nyq tur­ǵan múm­kindigi myǵym memlekettiń bola­shaǵy jarqyn bolaryna senim zor. 

Aqmaral AǴZAMQYZY,

«Egemen Qazaqstan»