Balalar – elimizdiń bolashaǵy. Olardyń bilimdi, bilikti, tárbıeli, mádenıetti bolyp qalyptasýy asa mańyzdy. Bul oraıda negizgi mindet ustazdarǵa júkteletini belgili. Bul abyroıly mindetti muǵalimderimiz oıdaǵydaı oryndaýy úshin olarǵa degen durys kózqaras qajet. Bul arada ustazdardyń áleýmettik jaǵdaıyn jaqsartý, qoǵamdaǵy mártebesin kóterý máseleleri basty nazarda bolýy tıis. Osy oraıda Elbasy oryndy máselelerdi kóterip, basty baǵyttarǵa basa kóńil aýdardy. Naqtylaı aıtqanda, Memleket basshysy kelesi jyly «Pedagog mártebesi týraly» zańdy ázirlep, qabyldaý qajettigin aıtty. Bul zań muǵalimder men mektepke deıingi mekemeler qyzmetkerleri úshin óz tıimdiligin kórsetedi dep oılaımyn. Joldaýdaǵy bul oryndy kóterilgen jaıt muǵalimderdiń ǵana emes, búkil qoǵamnyń kóńilinen shyǵatyny sózsiz.
Bizder, depýtattar Elbasy aldymyzǵa qoıǵan mindetterdi júzege asyrý úshin qajetti zańdar qabyldaý baǵytynda jumys isteıtin bolamyz.
Maıra AISINA,
Parlament Májilisiniń depýtaty
