Məselen, AQSh-ta sondaı kórsetkishtiń bolýy medısınanyń damýyna qomaqty úles qosady. Ərıne olardaǵy halyqqa medısınalyq qyzmet kórsetý júıesi bizdikinen ózgeshe, degenmen prosenttiń úlken bolýynyń mańyzy zor. Elbasynyń keshegi Joldaýynda bizdegi mólsherdi 10 prosentke jetkizý jóninde aıtylýy dərigerlerdiń keńirek tynystaýyna jol ashady dep oılaımyn. Sebebi osy arqyly densaýlyq saqtaý mekemeleriniń jabdyqtalýy jaqsarady, kəsibı biliktilik kóterilip, oqýǵa, sheteldermen təjirıbe almasýǵa jol ashylady. Jalpy, dəriger qaýymynyń jaǵdaıy jaqsarady. Túptep kelgende, jurtshylyq alatyn medısınalyq kómektiń sapasy men deńgeıi artady.
Búginde əlemdik medısına óte qarqyndy damý ústinde, kúnbe kún jańa tehnologııa, jańa aspap, jańa qondyrǵy kómekke kelýde. Keıde qoldanyp júrgen medısınalyq qondyrǵy, apparatýra materıaldyq turǵydan eskirip jatady, ómirge olardyń zaman suranysyna jaýap beretin sońǵy lekteri, sońǵy úlgileri kelip, jańa múmkindikterdiń keńistigi ashylýda. Al olardy alý úshin ərıne, qarajat qajet. Joǵaryda aıtylǵan 10 prosent osyndaı jumystardy atqarýǵa múmkindik beredi. Qazirdiń ózinde Qazaqstan azamattary medısınalyq kómektiń qaı túrin bolsyn otandyq dərigerlerden alatyndaı jaǵdaıda ekeni anyq. Burynǵydaı em izdep shetel asý azaıǵan. Elimizde zamanaýı klınıkalarmen myqty mamandar qatary qalyptasyp, ústeme qoldaý medısınany odan əri óristetý ústinde.
Prezıdenttiń onkologııalyq arýlar qajetine arnalǵan respýblıkalyq aýrýhana ashý kerek degen tapsyrmasy da óte durys jáne ózekti dep esepteımin. Atalǵan dert boıynsha pasıentter kóbine aýrýdyń bastaýynda emes, asqynǵan satysynda kelip jatady. Eger respýblıkalyq kólemde úlken ortalyq ashylsa, onyń kómegi qaı jaǵynan da joǵary bolady. Dıagnostıka, emdeý, ədisteme turǵysynan barlyq onkologtarǵa súıeý, jolbasshy bolary anyq. Aýrýdyń neǵurlym dıagnozy tezirek anyqtalsa, pasıenttiń emdelýi de, ómir sapasy da jaqsara túspek. Elbasynyń bıylǵy Joldaýda medısına salasyna qatysty ərbir aıtqan oıyn qoldaýymyz kerek. Atalǵan salany damytyp, óristetýge dańǵyl jol asha bilý ózimizdiń qolymyzda.
Jupar NAHANOVA,
joǵary sanattaǵy akýsher-gınekolog,
Densaýlyq saqtaý isiniń úzdigi
