Ipotekalyq baǵdarlamaǵa qatysqan jaǵdaıda, «7-20-25» sertıfıkattary bıýdjettik sala qyzmetkerleri úshin alǵashqy jarnany jeńildetedi . Sertıfıkattardy qala jáne oblys ákimdikteri turǵyndarynyń qajettilikterine qaraı taratatyn bolady.
«Elbasy jergilikti bıýdjetten jeńildetilgen ıpotekanyń alǵashqy jarnasyn sýbsıdııalaý boıynsha jan-jaqty jumys júrgizýdi tapsyrdy. Memleket basshysy málimdegendeı, mundaı turǵyn úı sertıfıkattaryn berý muǵalimder, dárigerler, polısııa qyzmetkerleri jáne basqa da jergilikti óńirlerge qajetti mamandyq ıeleri úshin ıpotekanyń qoljetimdiligin arttyra túspek. Biz «Nur Otan» partııasynmen birlesip alǵashqy jarnany azaıtý boıynsha jumystardy bastap kettik. Jáne atalǵan sharýany qyzý dóńgeletip, osy aptadan bastap ár óńirlerde «7-20-25» sertıfıkattaryn bere bastaımyz» - dedi «Baspana» Ipotekalyq uıymynyń basshysy Qaırat Altynbekov.
Bir turǵyn úı sertıfıkatynyń ortasha nomınaly 1 mln tengeni quraıdy. Sol sebepten de, jergilikti atqarýshy organdar tarapynan bul baǵdarlamanyń júzege asyrylýyn yntalandyrý úshin 50 mlrd. tenge bólinedi.
