Alqaly jıynǵa oblys jáne aýdan ákimderiniń orynbasarlary, oblystyq basqarmalar men departamentterdiń jáne joǵary oqý oryndarynyń basshylarymen qatar, túrli sala ókilderi qatysty. Myńǵa tarta adam qatysqan jıynda Jambyl oblysynyń ákimi Asqar Myrzahmetov baıandama jasap, basty qujat aıasynda Áýlıeata óńirinde atqarylyp jatqan jáne aldaǵy ýaqytta atqarylatyn josparly jumystar týraly xabarlady.
– Birinshi basymdyqqa sáıkes, 2019 jyldyń 1 qańtarynan bastap 101 myńǵa jýyq qyzmetker úshin eń tómengi jalaqyny 28284 teńgeden 42426 teńgege deıin ósirý úshin oblystyq bıýdjettiń kiristeri men shyǵystary qaıta qaralatyn bolady. Bul bıýdjetten tólenetin tólemder boıynsha. Osyǵan oraı, bıznes ókilderi de bul sheshimdi qýattaý úshin, eńbek ónimdiligin arttyrýlary qajet. Ekinshiden, Joldaýda bıznesti órkendetýdiń turaqty kózderin qalyptastyryp, jeke ınvestısııany yntalandyrý jáne naryq erkindigin qoldaý qajettiligine basymdyq berilgen. Sondyqtan, kásipkerlik basqarmasy men aýdan, qala ákimderi qabyldanǵan sharalardyń aýqymyn keńeıtip, baǵyttalǵan jumysty kúsheıtetin bolady.
«Bıznestiń jol kartasy – 2020» baǵdarlamasynyń merzimi 2025 jylǵa deıin uzartylýyn eskere otyryp, kelesi jylǵa osy maqsatta josparlanǵan 1,2 mıllıard teńgeni keminde 2 esege ulǵaıtý qajet. Bul jańadan ashylatyn kásipkerlik pen kásibin keńeıtetin bıznestiń úlesin 30 paıyzǵa arttyrýǵa jáne jańa jumys oryndaryn ashýǵa múmkindik beredi. Shaǵyn kásipkerlikti qoldaý maqsatynda «Damý» qorymen birlese qarajat bólý prınsıpimen 2018 jyly oblystyq bıýdjetten 500 mıllıon teńge, «Damý» qorynan 1 mıllıard teńge qarastyrylǵan. Al, aýyl turǵyndaryna shaǵyn nesıe berý úshin jergilikti bıýdjetten qosymsha 1,0 mıllıard teńge bólinip, jalpy soma 5 mıllıard teńgege jetti. Kelesi jyly bul qarjylardyń kólemin barynsha kóbeıtetin bolamyz, – dedi ákim.
Asqar Myrzahmetov óz sózinde qazaqstandyqtardyń ál-aýqatyn arttyrýǵa baǵyttalǵan Joldaýdyń mańyzdylyǵyn atap ótip, ondaǵy halyq tabysynyń ósýi, turmys sapasyn arttyrý, ómir súrýge jaıly orta qalyptastyrý, azamattar suranysyna beıimdelgen memlekettik apparat, tıimdi syrtqy saıasat jáne árbir qazaqstandyqtyń elimizdegi ózgerister úderisterine atsalysýy sekildi alty basymdyqqa jekeleı toqtaldy. Joldaý aıasynda Jambyl oblysynda ár sala boıynsha atqarylyp jatqan jumystardy baıandady. Onyń ishinde baspana, sapaly bilim, densaýlyq saqtaý salalary týraly da aıtyp ótti.
– Joldaýda agroónerkásip keshenindegi eńbek ónimdiligin jáne qaıta óńdelgen óniminiń eksportyn 2022 jylǵa qaraı 2,5 ese kóbeıtý mindeti tur. Jyl basynan 1,8 myń tonna et eksportqa shyǵaryldy. Búginde, oblysta aýyl sharýashylyǵy ónimderin qaıta óńdeıtin 183 kásiporyn jumys isteýde. Biraq sapaly, tereń óńdeýmen aınalysatyn kásiporyndardyń sany az. Olardyń sanyn kóbeıtý úshin osy jyly júzege asatyn 4 joba óńirdiń arnaıy kartasyna endi. Budan bólek, quny 8 mıllıard teńgeni quraıtyn 7 ınvestısııalyq bastama qoldaý tapty, – dedi ákim.
О́ńir basshysy Elbasy Joldaýyndaǵy mindetter men talaptardy jumyla oryndaýǵa barsha jambyldyqtardy shaqyryp, el damýyna eleýli úles qosý árbir qazaqstandyqtardyń mereıli mindeti ekenin basa aıtty.
Budan keıin «Saha» sharýa qojalyǵynyń jetekshisi Saha Manatov, «Jambylgıps» AQ tehnıkalyq dırektory Bolat Talasbaev, Taraz qalasyndaǵy №3 daryndy balalarǵa arnalǵan mekteptiń muǵalimi Gúlshat О́tegenova, oblystyq týberkýlezge qarsy dıspanserdiń bas dárigeri Qaırat Jetibaev, oblystyq ishki ister departamentiniń bastyǵy, polısııa polkovnıgi Arman Orazalıev, QR Memlekettik qyzmet isteri jáne sybaılas jemqorlyqqa qarsy is-qımyl Agenttigi oblys boıynsha departamenti basshysynyń orynbasary Nurlan Erkebaev, Taraz Memlekettik pedagogıkalyq ýnıversıtetiniń stýdenti Úmit Seısenǵalı jáne ózge de birqatar azamattar Elbasy Joldaýyndaǵy ıgi maqsattardy zor yqylaspen qabyldaǵandaryn jetkizip, ózderiniń oı-pikirlerin ortaǵa saldy.
Hamıt ESAMAN,
«Egemen Qazaqstan»
Jambyl oblysy
