Aleksandr KÝPRIENKO
- Bul Joldaý – buǵan deıin júzege asyrylyp kelgen strategııalyq qujattardyń zańdy jalǵasy. Jańa Joldaý elimizdiń, óńirimizdiń damýyna tyń serpin beretin boldy, - dedi aktıv jınalysynda sóılegen sózinde Batys Qazaqstan oblysynyń ákimi Altaı Kólginov.
Elbasy tapsyrmasynan keıin qazaqstandyqtardyń edáýir bóliginiń áleýmettik jaǵdaıy jaqsaratyn boldy. Bul ásirese bilim salasy qyzmetkerlerine qatysty. О́ńir basshysynyń aıtýynsha, Batys Qazaqstan oblysynda mektepke deıingi bilim berý mekemelerindegi 3 829 tárbıeshi men qyzmetkerdiń jalaqysy ósedi.
Joldaýda otandyq ónimdi arttyryp, eksportqa kóńil bólý tapsyryldy. О́tken jyly et eksporty boıynsha respýblıkalyq kórsetkishtiń 40 prosentin, ıaǵnı jartysyna jýyǵyn Aq Jaıyq óńiri atqarǵan. 1300 tonna sıyr eti shetelge, atap aıtqanda Reseı, Armenııa, Iran jáne Aýǵanstan memleketterine shyǵaryldy. Qoı etin eksporttaý jospary 2,5 esege artyq oryndalyp, 500 tonnaǵa jýyq et shetelge satyldy.
- Biz bunymen shektelmeımiz. Sebebi jańa Joldaý qosymsha múmkindikter týdyryp otyr. Elbasynyń tapsyrmasyna sáıkes óńirdegi ırrıgasııalyq qurylymdar júıesin jańarttyq. 4 iri joba júzege asyrylyp, sýarmaly jerler 70 myń gektarǵa keńeıdi. Osynyń nátıjesinde malsharýashylyǵymen aınalysatyn qojalyqtar kóbeıe bastady. Sharýa qojalyqtarynyń sany 2017 jyly 5 myń bolsa, bıyl 6500-den asty - dedi Altaı Kólginov.
О́ńir basshysy óz baıandamasynda toqtap turǵan jobalarǵa ınvestor tartylyp, jańadan taǵy 10 myń bas mal bordaqylaıtyn alańdar salý josparlanǵanyn aıtty. Búginde óńirdegi ıgerilmeı jatqan 1 mln.ga jer memleket menshigine qaıtarylyp, onyń jartysy isker azamattarǵa qaıta berilgen. Qolǵa alynǵan 12 ınvestısııalyq jobanyń teń jarymy sheteldikterdiń qatysýymen júzege asýda. Bilim salasynda óńirdegi jeke balabaqshalardyń sany 24-ten 52-ge kóbeıip, 3 jastan 6 jasqa deıingi balalardy mektepke deıingi bilimmen qamtý – 100 paıyzdy qurady. Sıfrlandyrý aıasynda qaladaǵy balabaqsha kezegi tolyqtaı elektrondy kezek júıesine kóshirildi. Jyl sońyna deıin barlyq aýdan ortalyǵy osy júıege ótedi.
Batys Qazaqstan oblysy elimiz boıynsha avtojoldary eń nashar óńir bolyp esepteletin. О́ńir basshysynyń aıtýynsha bul jaǵdaı ózgeredi. «Qazir jyl saıyn 500 shaqyrymǵa jýyq jol jóndelýde. Respýblıkalyq mańyzy bar Oral-Tasqala-RF shekarasy baǵytyndaǵy jol qurylysy bıyl aıaqtalady. «Nurly jol» baǵdarlamasy qarqyndy júrýde. Aldaǵy ýaqytta Oral-Orynbor tas joly jasalatyn bolady. О́ńirge mamyr aıynda kelgen Prezıdenttiń sapary qorytyndysy boıynsha, shalǵaı aýdandarǵa jol tartý tapsyrmasyna sáıkes qarajat bólindi, kelesi jyly jumysty bastaıtyn bolamyz. Joldaýda óńirishilik joldarǵa asa mán berildi. Sondyqtan, qaladaǵy, aýdandardaǵy joldardy jóndeý qarqynyn tómendetpeımiz» - dedi Altaı Kólginov.
Batys Qazaqstan oblysynyń ákimi oblys aktıvi aldynda óńirde alda qolǵa alynatyn jobalar týraly keńinen aıtyp berdi. Máselen, 2019 jyly 50 eldimekendi taza sýmen qamtý, Oral qalasy turǵyndarynyń qaýipsizdigi úshin ornatylatyn beınebaqylaý júıesi, bıyl jyl sońyna deıin 7-20-25 baǵdarlamasy aıasynda beriletin 3 myń páter, «Atameken» kishi baǵdarlamasy boıynsha mesenattardyń kómegimen atqarylǵan jalpy quny 200 mln teńgelik 122 joba – bul óńirde júzege asqan jáne qolǵa alynǵan san túrli jobalardyń bir bóligi ǵana.
Osy jıynda sóz alǵan «Stroıkombınat» JShS dırektory Baqytjan Nurbaev 2019 jyldyń qańtarynan bastap kompanııa qyzmetkerleriniń jalaqysy ósetinin habarlady. «Prezıdent Joldaýynan keıin bizdiń erteńgi kúnge degen senimimiz bekı tústi. О́ndiriske jańa tehnologııa, ozyq jabdyqtardy batyl engizip, eńbek ónimdiligi men tabysymyzdy arttyrýǵa qol jetkizdik. Otandyq óndirýshiler memleket qoldaýyn anyq sezinip otyr. О́ńirdegi temirbeton rezervýarlardyń 90 paıyzyn bizdiń kompanııa shyǵarady. Jylyna 2 mlrd teńgeniń ónimin óndirip, el qazynasyna 200 mln teńge salyq túsimin quıdyq. О́ńirdegi jol qurylysynyń damýy, memlekettik 7-20-25 baǵdarlamasy bizdiń kompanııanyń júıeli tapsyrys alyp, qalypty jumys isteýine múmkindik berip otyr» deıdi Baqytjan Nurbaev.
«Medısınalyq ortalyq» JShS dırektory Rafhat Istaev óńirdegi medısına qyzmetkerleri atynan Prezıdent Joldaýynan týyndaıtyn maqsat-mindetterdi júzege asyrýǵa daıyn ekendigin bildirdi. Ýchaskelik dárigerler men medbıkeler jalaqasynyń ósýi, qaǵazbastylyqtan arylý – dárigerlerdiń kópten kútken jańalyǵy edi. Sonymen birge óńirdegi medısınalyq mekemeler osy zamanǵy eń ozyq qural-jabdyqtarmen jaraqtanyp jatyr. Endi buǵan medısına qyzmetkerleriniń kásibı biliktiligi saı kelip, halyq densaýlyǵy úshin aıanbaı qyzmet etýi tıis.
Oral qalasyndaǵy №17 orta mektep dırektory Tamara Rýdıch Prezıdenttiń bıylǵy Joldaýy bilim salasy qyzmetkerleri úshin qýanyshty jańalyqqa toly bolǵanyn aıtty. «Elbasy ónerkásip, qurylys, densaýlyq saqtaý, ekonomıka salasy týraly aıtsa da bilim máselesine oqtyn-oqtyn oralyp otyrdy. Eki saǵat boıy teledıdar aldynda jipsiz baılanyp qaldyq. Pedagogtyń mártebesi týraly arnaıy zań dúnıejúziniń eshbir elinde joq eken. Biz memlekettiń erekshe qamqorlyǵyn sezine otyryp, asqan jaýapkershilik júktelgenin de túsindik» - dedi Tamara Rýdıch.
Budan keıin minbege «Sábıt» sharýa qojalyǵynyń jetekshisi Erbolat Qurmanǵalıev, jeke kásipker Saıan Baetov shyǵyp, ózderi aralasyp júrgen aýyl sharýashylyǵy salasyndaǵy is tájirıbesimen bólisti. Sóz alýshylardyń bári de Prezıdenttiń jańa Joldaýy el ekonomıkasy men áleýmettik jaǵdaıyn kóterýge tyń serpin beretinin basa aıtty. Jıyn sońynda oblys aktıvi jınalysynyń qarary qabyldandy.
- Elbasy keler jyldy Jastar jyly dep jarııalaýdy usyndy. Bul usynysty óńir jastary da qýana qabyldady. Búginde oblysymyzda birneshe kovorkıng ortalyǵy jumys isteıdi. Jas otbasylarǵa arnalǵan Aqjaıyq baspana baǵdarlamasyn pysyqtaý qajet. Bıznes bastaǵysy keletin jastarǵa arnaıy oqytýlar, jeńildikpen nesıe alý jaǵyn qarastyramyz. Sonymen qatar jergilikti bıýdjet esebinen bilim granttaryn bólýdi odan ári jalǵastyratyn bolamyz. Jastar jyly arzan fleshmobtarmen kómkerilmeı, mazmundy da maǵynaly jyl retinde atalyp ótý kerek, - dep túıindedi sózin Altaı Kólginov.
Qazbek QUTTYMURATULY,
«Egemen Qazaqstan»
Batys Qazaqstan oblysy
