10-11 qazan kúnderi Tomas Gremınger Qazaqstan Prezıdenti Nursultan Nazarbaevpen kezdesip, birqatar sharalarǵa qatysady.
«Sapar barysynda Eýropadaǵy qaýipsizdik jáne yntymaqtastyq uıymynyń Bas hatshysy Qazaqstan Prezıdenti Nursultan Nazarbaevpen, Joǵarǵy sot tóraǵasy Jaqyp Asanovpen jáne Syrtqy ister mınıstri Qaırat Ábdirahmanovpen ekijaqty kezdesýler ótkizedi. Sol kezde Qazaqstan men atalǵan uıym arasyndaǵy ózara is-qımyl perspektıvalary talqylanady. Tomas Gremınger Álemdik jáne dástúrli dinder kóshbasshylarynyń VI sezine, sondaı-aq, Eýropadaǵy qaýipsizdik jáne yntymaqtastyq uıymynyń Qazaqstandaǵy 20 jyldyǵyna arnalǵan halyqaralyq konferensııanyń ashylýyna qatysady», - deıdi QR Syrtqy ister mınıstrliginiń baspasóz hatshysy Aıbek Smadııarov.
Budan bólek, Serbııa prezıdenti Aleksandr Výchıchtiń Qazaqstanǵa resmı sapary josparlanǵan. Ol Álemdik jáne dástúrli dinder kóshbasshylarynyń VI sezine qatysady dep kútilýde.
