Túrkistan oblysy, Túlkibas aýdanynyń T.Rysqulov eldi mekeninde kópsalaly kolledj ashyldy. Orta arnaýly oqý ornynyń ashylý saltanatynda aýdan ákimi N.Turashbekov: «Elbasy Joldaýynda 2019 jyldy «Jastar jyly» dep belgiledi. Osyǵan oraı sizder men biz elimizdiń bolashaǵy jastarymyzǵa joǵary deńgeıde sapaly bilim alýǵa barlyq jaǵdaıdy jasaýǵa mindettimiz», — deı kele «Ustazdar kúni» merekesine oraı kolledj muǵalimderine de ystyq lebizin bildirdi. Sonymen qatar, aýdan basshysy merekege oraı birqatar ustazdardy aýdannyń 90 jyldyq mereıtoı medalimen jáne alǵys hattarmen marapattady.
Kópsalaly kolledj Túlkibas aýdanynyń ǵana emes, óńirdegi barlyq talapty jastarǵa «Mektepke deıingi bilim berý muǵalimderi», «Meıirbıke qyzmeti» jáne «Informatıka men aǵylshyn pánderiniń muǵalimderi» mamandyqtary boıynsha bilim beretin bolady.
Ǵalymjan ELShIBAI,
«Egemen Qazaqstan»
Túrkistan oblysy
