Elbasy Joldaýy árqaısysymyzdyń jarqyn keleshegimizge arnalyp otyr. Búginde Qazaqstan halqy 18 mıllıonǵa jetti desek, árbir turǵynnyń ózindik aýyrtpalyǵy, ózindik qıyndyǵy bar. Sondyqtan da árbir azamattyń basyndaǵy máselelerdi birlese sheship, bir-birimizge túsinistikpen qarap, birlesken kúsh-jiger tanyta bilgende ǵana qoǵam áldeqaıda alǵa jyljıdy dep bilemin.
Búginde álemniń ozyq elderiniń kóshine ilesýde jetken jetistikterimiz az emes. Alaıda taǵy da alǵa jyljyp, damı berý Qazaqstannyń álemdik deńgeıdegi bedelin arttyra túsetini sózsiz. Sondyqtan da árbir qazaqstandyq óziniń damýy, bilim alýy men densaýlyǵyn saqtaý jolyndaǵy áreketterine sergek qaraýy tıis. Sergektik zor serpin týdyrsa, serpin bizdi alǵa umtylýǵa jeteleıdi. Al árbir azamattyń qoǵam aldyndaǵy jaýapkershiligi balabaqshadan bastaý alýǵa tıis. Osy oraıda aǵa býyn ókilderi men jastar arasyndaǵy sabaqtastyqtyń da róli aıryqsha. Qoǵamnyń eresek ókilderi jas óskindi el keleshegi úshin qyzmet etýge jumyldyrýǵa tıis. Qaı salany alsaq ta árbir azamattyń damýyna eshqandaı kedergiler bolmaýy qajet. Osy turǵydan alǵanda jemqorlyqpen kúresti kúsheıtý barshamyzǵa ortaq mindet der edim. Jastar osynaý zaıyrly qoǵamnan óziniń jarqyn keleshegin barlaı alatyn bolsa, onda elimizdiń alar asýy áli alda.
Kazbek MAMSÝROV,
Almaty qalalyq Qazaqstan halqy Assambleıasy tóraǵasynyń orynbasary
