Prezıdenttiń jyl saıynǵy halyqqa Joldaýy – respýblıkanyń árbir turǵyny úshin mańyzdy oqıǵa. Árkim onda ózi úshin mańyzdy baǵytty tabady. Bıylǵy jyldyń Joldaýy memlekettiń áleýmettik-ekonomıkalyq damýynyń ózekti máseleleri men qazaqstandyqtardyń ál-aýqatyn ári qaraı arttyrý boıynsha mindetterge arnalǵan. Bul naqty tájirıbelik isterdiń baǵdarlamasy, sóz joq, barlyq qazaqstandyqtarǵa, sonyń ishinde birinshi kezekte, bizge, zııaly qaýymnyń aldyńǵy shebinde turǵan pedagogterge qatysty.
Elbasy Joldaýy barsha ustazdar qaýymyn qýanyshqa bóledi. Elimizdiń tarıhynda alǵash ret «Pedagog mártebesi týraly» zań qabyldanatyn bolady. Bul – árbir pedagogtiń ál-aýqatyna tikeleı qatysy bar naǵyz tarıhı oqıǵa. Búgingi bilim berý júıesindegi barlyq tehnıkalyq jańalyqtar jaǵdaıynda muǵalim tulǵasy bilim berý úrdisiniń negizgi túıini bolyp tabylady. Bul zor jaýapkershilik júkteıdi, sebebi bilim berýdiń ýaqyt talaby men zamanaýı ekonomıkanyń qajettilikterine jaýap beretin deńgeıin qamtamasyz etýi tıis tulǵa – muǵalim.
Prezıdent bilim berýdiń jańa sapasyna basa nazar aýdardy. Biz, pedagogter qaýymy, Prezıdent saıasatyn qoldaımyz. Bizdiń bilim berý júıemiz álemdik standarttarǵa sáıkes kelip, naqty jetistikterge jetetin ári Qazaqstandy jańa deńgeıge shyǵaratyn zamanaýı urpaq tárbıeleýi úshin túbegeıli ózgerýi kerek. Qazirgi jaǵdaıda bilim berý júıesi, sonyń ishinde joǵary bilim burynǵy úlgide jumys istemeýi tıis. Jańa Joldaýda Elbasy bilim berý júıesiniń jaqyn aradaǵy maqsattaryn naqty kórsetip, muǵalimderge bilim berý qyzmetterin usynýda odan da joǵary kórsetkishterge jetý úshin baǵdar berdi.
Prezıdenttiń jyl saıynǵy halyqqa Joldaýy elimizdiń birneshe jyl ishindegi damý baǵytyn, yrǵaǵyn anyqtaıtyny shúbásiz. Biz Elbasymyz tańdaǵan joldyń durys ári maqsatqa baǵyttalǵanyn anyq kórip turmyz. Qarqyndy túrde ózgerip jatqan qazirgi álemde kóp nárse bizge, pedagogterge baılanysty. Biz ońtaıly eńbek etý kerektigin, sóıtip árbir qazaqstandyq óz ál-aýqatyna qol jetkizetindigin túsinemiz.
Biz bárimiz de Qazaqstannyń qalyptasýy men damýynyń kýágerlerimiz. Shırek ǵasyrdan astam ýaqytta Qazaqstan naǵyz egemendikke qol jetkizip, memlekettiń nyǵaıýy men gúldenýine baǵyttalǵan betalystan burylmaı, nyq qadam basyp keledi. Memleket saıasatynyń basty baǵyty árdaıym elimizdiń bolashaǵy – jastardy qoldaý bolyp keldi: olardyń bilim, baspana alý, jumysqa turý jaǵdaılary udaıy nazarda boldy. Bul ózgerister týraly Prezıdent birneshe ret aıtty, endi bul sózder ári qaraı tájirıbe júzinde iske asýda.
Elbasy Joldaýy jahandyq syn-tegeýrinderdi eńserýdiń jańa joldary men múmkindikterin anyqtaıdy. Belgilengen mindetterge qol jetkizýde bar kúshti shoǵyrlandyrý halyqtyń ómir súrý deńgeıin birneshe ese arttyryp, memleketti jańa damý jolyna shyǵara alady. Prezıdentimizdiń jetekshiligimen elimizdiń aldaǵy jyldarǵa arnalǵan barlyq basym damý mindetteri tabysty iske asatyndyǵyna esh kúmánimiz joq.
Altynbek NÝHULY,
Pavlodar memlekettik pedagogıkalyq ýnıversıtetiniń rektory
