Sol boks keshinde qandasymyz 32 jastaǵy Von Aleksandermen aıqasady. «Jyrtqysh» degen laqap atpen tanylǵan amerıkalyq boksshy kásipqoı rıngtegi óziniń tusaýkeser kezdesýin 2004 jyly ótkizdi. Qatarynan bes jekpe-jekte qarsylastaryn sulatyp salyp, kópshilik nazaryn ózine aýdarǵan edi. Biraq kóp uzamaı Von isti bolyp, 11 jylǵa bas bostandyǵynan aıyryldy. 2015 jyly túrmeden bosaǵannan keıin ol sharshy alańǵa qaıta oraldy. Osy kúnge deıin Aleksander barlyǵy 13 báseke ótkizip, 12 ret jeńiske jetti. 8 qarsylasyn aıqyn basymdyqpen utty. Ol kezinde Demarkýs Korlı, Tımotı Bredlı, Markos Maıdana, Ámir han, Vıktor Ortıs syndy sańlaqtarmen kúsh synasqan ataqty boksshy Devon Aleksanderdiń týǵan aǵasy.
Al 25 jastaǵy Jánibek Álimhanuly úshin bul kásipqoılar arasyndaǵy tórtinshi jekpe-jegi bolmaq. Osynyń aldyndaǵy básekelerdiń barlyǵy da qazaq jigitiniń jeńisimen aıaqtaldy.
Ǵalym SÚLEIMEN,
«Egemen Qazaqstan»
