Bul týraly 8 qazanda О́skemende ótken «Nur Otan» partııasy oblystyq fılıaly janyndaǵy qoǵamdyq keńestiń otyrysynda aıtyldy. Oblys ákiminiń orynbasary Serik Aqtanov jıynda jasaǵan baıandamasynda oblysta 2018-2022 jyldar aralyǵynda 4608 oryndyq 11 stýdenttik jataqhana salý josparlanyp otyrǵanyn jetkizdi. «Onyń ishinde 2908 oryndyq 8 jataqhana jańadan salynatyn bolsa, 350 oryndyq 1 jataqhana jóndeýden ótkiziledi. Myń oryndyq jataqhananyń qurylysy aıaqtaldy. Sonymen qatar 350 oryndyq taǵy bir jataqhana ǵımaraty satyp alynatyn bolady. Qazirgi ýaqytta oblystyq qurylys, sáýlet jáne qala qurylysy basqarmasy О́skemen, Semeı jáne Aıagóz qalalaryndaǵy kolledjder úshin 5 jataqhana qurylysynyń jobalyq-smetalyq qujattaryn ázirlep jatyr», - deıdi Serik Aqtanov.
Otyrysta bıyl Semeıdegi elektrotehnıka kolledji úshin 250 oryndyq jataqhana paıdalanýǵa beriletini jáne aldaǵy ýaqytta óńirdegi úsh birdeı joǵary oqý oryndary – S.Amanjolov atyndaǵy ShQMÝ, D.Serikbaev atyndaǵy ShQMTÝ jáne Semeıdegi Shákárim ýnıversıtetteri úshin úsh jataqhana qurylysy bastalatyny málim boldy.
Azamat QASYM,
«Egemen Qazaqstan»
О́SKEMEN
