Úkimet • 09 Qazan, 2018

B. Saǵyntaev jan basyna qarjylandyrý tetigin paıdalanýmen jańa mektepter salý jumystaryn jandandyrýdy tapsyrdy

360 ret

kórsetildi

1 mın

oqý úshin

Búgin Úkimet otyrysynda Prezıdenttiń «Qazaqstandyqtardyń ál-aýqatynyń ósýi: tabys pen turmys sapasyn arttyrý» Joldaýynda qoıylǵan mindetter aıasynda bilim berý júıesiniń ózekti máselelerin qarastyrý barysynda Premer-Mınıstr Baqytjan Saǵyntaev mekteptegi, mektepke deıingi jáne joǵary bilim sapasyn arttyrý boıynsha birqatar naqty tapsyrmalar berdi, dep habarlaıdy Úkimettiń baspasóz qyzmeti.

Egemen Qazaqstan

B. Saǵyntaev jan basyna qarjylandyrý tetigin paıdalanýmen jańa mektepter salý jumystaryn jandandyrýdy tapsyrdy

Bilim jáne ǵylym mınıstri E. Saǵadıevtiń jáne birqatar óńirlerdiń ákimderiniń baıandamalaryn tyńdaǵan soń Baqytjan Saǵyntaev Memleket basshysy óz Joldaýynda ata-analardyń balalardyń qaýipsizdigi men oqytý jaǵdaılaryna alańdaýshylyq bildiretinin atap ótkenin aıtty.

Osyǵan baılanysty, Bilim jáne ǵylym mınıstrligine ákimdiktermen birlesip bilim sapasyn arttyrýǵa erekshe kóńil bólý tapsyryldy. QR Premer-Mınıstri bilim mekemelerindegi úsh aýysymdyq oqytý, tamaqtandyrý jáne aýyz sý, erekshe bilim alý qajettiligi bar balalarǵa jaǵdaı jasaý, mektepterdi sport zaldarmen qamtý máselelerin sheshý qajettigin jetkizdi.

Bilim jáne ǵylym mınıstrligine jan basyna qarjylandyrý tetigin paıdalanýmen jańa mektepter salý jumystaryn jandandyrý, sondaı-aq oqýshylardyń, muǵalimder men ata-analardyń múddelerin kózdeıtin jańashyldyqtar boıynsha jedel ári aıqyn túsindirý jumystaryn júrgizý tapsyryldy.

Jalpy, QR BǴM Memleket basshysynyń Joldaýyn iske asyrýdyń jalpyulttyq josparynda qoıylǵan barlyq mindetterdi naqty oryndaýy tıis.