Atalǵan mindetti iske asyrý úshin ındýstrııalandyrý saıasatyn júrgizý jáne qoldaý quraldaryn shoǵyrlandyrý maqsatynda QR Úkimeti ındýstrııany damytý, jergilikti qamtý jáne tehnologııalyq damý salasyndaǵy úsh ulttyq damý ınstıtýtynyń fýnksııalary «Qazaqstandyq ındýstrııany damytý ınstıtýty» AQ bazasyndaǵy Biryńǵaı ónerkásiptik damý ortalyǵyna biriktiriletin bolady.
Qaıta qurý kezinde ınstıtýttardyń bıýdjettik shyǵyndary men shtattyq qurylymy ońtaılandyrylady.
Bolashaq ortalyqqa júkteletin mindetterdi oryndaý úshin bıyl 8 qazanda «QIDI» Dırektorlar keńesiniń sheshimimen Dana Júnisova jańa basqarma tóraǵasy bolyp saılandy.
Dana Júnisova Selınograd qalasynda dúnıege kelgen. 2006 jyly T. Rysqulov atyndaǵy Qazaq ekonomıkalyq ýnıversıtetin támamdaǵan. Mamandyǵy boıynsha — ekonomıst.
Eńbek jolyn «QTJ» UK, «Astana–Fınans» AQ, «2011 jylǵy 7-qysqy Azııa oıyndaryn uıymdastyrý komıtetiniń atqarýshy dıreksııasy» AQ, sondaı-aq jeke sektorda jumys istep bastaǵan.
2012–2015 jyldary — QR «Atameken» UKP Tarıf qalyptastyrý departamenti dırektorynyń orynbasary, Ekonomıkalyq ıntegrasııa departamenti dırektorynyń orynbasary, О́nerkásiptik jáne ınvestısııalyq saıasat departamentiniń dırektory, Ekonomıkalyq ıntegrasııa departamentiniń basqarýshy dırektory qyzmetterin atqardy.
2016–2018 jyldar aralyǵynda QR «Atameken» ulttyq kásipkerler palatasynyń basqarma tóraǵasynyń orynbasary bolyp eńbek etti.
2018 jylǵy sáýirde QR ulttyq ekonomıka vıse-mınıstri bolyp taǵaıyndaldy.
2018 jylǵy qyrkúıekten bastap QR Premer-Mınıstriniń keńesshisi qyzmetin atqardy.
Eýrazııalyq ekonomıkalyq odaqqa múshe memleketter Basshylarynyń «Eýrazııalyq ekonomıkalyq odaqty qurýǵa qosqan úlesi úshin» II dárejeli medalimen, memlekettik jáne qoǵamdyq qyzmettegi eńbegi, elimizdiń áleýmettik-ekonomıkalyq jáne mádenı damýyna, dostyq pen yntymaqtastyqty nyǵaıtýǵa qosqan eleýli úlesi úshin Qazaqstan Respýblıkasy Prezıdentiniń qurmet gramotasymen marapattalǵan.
