Merler men saıası kóshbasshylar qatysatyn alqaly jıynda qalalardyń alǵashqy medısınalyq-sanıtarlyq kómek kórsetýdegi róli men densaýlyq saqtaý sharasyna kópshilikti keńinen tartý máseleleri talqylanady.
Atalǵan shara Almatyda qol qoıylǵan alǵashqy medısınalyq- sanıtarlyq kómek kórsetý jónindegi halyqaralyq deklarasııanyń 40 jyldyǵyna oraılastyrylǵan. О́z kezeginde bul qujat kópshiliktiń densaýlyǵyn qamtamasyz etýdiń strategııalyq negizine aınalǵan.
Al atalmysh deklarasııa Dúnıejúzilik Densaýlyq saqtaý Uıymynyń «Salamatty qalalar» atty Eýropalyq jelisin qurýda mańyzdy ról atqarǵanyn atap ótý kerek.
Sol kezden bastap jergilikti qoǵamdastyqtar bazasy negizinde jumys isteıtin alǵashqy medısınalyq-sanıtarlyq kómek kórsetý júıesi kópshiliktiń densaýlyǵyn jaqsartýdyń quramdas bóligine aınaldy.
Almaty deklarasııasynyń shejiresin ulǵaıta túsetin sammıt qalalar men óńirlerdiń alǵashqy medısınalyq-sanıtarlyq kómek kórsetýdegi róli, saý qalalardyń qoǵamdaǵy densýalyq saqtaý isine tıgizetin oń yqpaly, kóshi-qon isine qatysty áleýmettik ádilettilikti qalyptastyrý syndy mańyzdy máselelerdi talqylaıdy.
Sammıt qorytyndysy boıynsha merlerdiń Almaty úndeýi qabyldanady.
Aınash ESALI,
«Egemen Qazaqstan».
ALMATY
