Qazaqstan • 10 Qazan, 2018

Eýrazııalyq pedagogıkalyq ýnıversıtetter qaýymdastyǵynyń halyqaralyq forýmy ótti

297 ret kórsetildi

Abaı atyndaǵy Qazaq ulttyq pedagogıkalyq ýnıversıtetinde «Úzdiksiz pedagogıkalyq bilim berý máseleleri: dástúr men jańashyldyq» halyqaralyq forýmy ótti.

Úzdiksiz pedagogıkalyq bilim berý jáne pedagogıkalyq kadrlardy daıarlaý júıesin talqylaý, ǵylym men ınnovasııalardy qoldaýdaǵy yntymaqtastyqtyń negizgi baǵyttaryn damytýdy maqsat etip otyrǵan forým barysynda QR Bilim jáne ǵylym vıse-mınıstri Ashat Aımaǵambetov jáne sheteldik joǵary oqý oryndarynyń rektorlary quttyqtaý sóz sóılep, negizgi máselelerge toqtaldy.

Abaı atyndaǵy QazUPÝ men Máskeý pedagogıkalyq ýnıversıtetiniń bastamasy boıynsha qurylǵan Eýrazııalyq pedagogıkalyq ýnıversıtetterdiń qaýymdastyǵy EEO elderindegi bilim jáne ǵylym salasyndaǵy ıntegrasııaǵa baǵyttalǵan alǵashqy memleketaralyq qoǵamdyq uıym bolyp tabylady. Eýrazııalyq qaýymdastyqtyń qyzmeti ǵylym jáne bilim berý gýmanıtarlyq keńistigin qalyptastyrýǵa, ulttyq mádenıetterdi baıytýǵa, ózara yqpaldastyqtardy nyǵaıtýǵa yqpal etýge múmkindik beredi.

Forým jumysynda qazirgi úzdiksiz pedagogıkalyq bilim berýdegi dástúr men jańashyldyq, joǵary pedagogıkalyq bilim berýdegi ulttyq ǵylymı mektepter, zamanaýı ustazdyń kásibı damý júıesindegi úzdiksiz pedagogıkalyq bilim berýdiń róli, jańartylǵan bilim mazmuny boıynsha mektep pen joǵary oqý oryndarynda pánderdi oqytý ádistemesi, bilim júıesine jańa sandyq jáne aqparattyq tehnologııalardy engizý negizinde pedagogıkalyq kadrlardy daıarlaý máseleleri talqylandy. Sonymen qatar jetekshi ǵalymdardy tarta otyryp, úzdiksiz ǵylymı baılanystarǵa qol jetkizip, ulttyq bilim júıeleri men joǵary pedagogıkalyq bilim berýdiń negizgi úrdisterine nazar aýdarý,  joǵary pedagogıkalyq bilim berý sapasyn joǵarylatý salasyndaǵy baılanystardyń tıimdi joldaryn ázirleýge járdemdesý sııaqty ózekti máseleler boıynsha mamandar pikir almasty.

 

Elvıra SERIKQYZY,

«Egemen Qazaqstan»

ALMATY

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar