Statıstıka komıtetiniń málimetinshe, jalpy aınalymnyń 9,4 mıllıard dollary eksportqa, al 13,7 mıllıard dollary ımportqa tıesili. Syrtqy saýda saldosy bul jyly 4,3 mıllıard dollarǵa teń. Bul kórsetkishten eksporttyń 0,4%-ǵa, ımporttyń 33,3%-ǵa tómendegenin kórýge bolady.
2018 jyly syrtqy saýda aınalymyndaǵy TMD elderiniń úlesi 38,6%-ǵa teń. О́zbekstannyń syrtqy saýdadaǵy negizgi seriktesteri Qytaı (4,43 mlrd. dollar), Reseı (4,18 mlrd. dollar), Qazaqstan (2,14 mlrd. dollar), Túrkııa (1,52 mlrd. dollar) jáne Ońtústik Koreıa (1,29 mlrd. dollar) elderi bolyp otyr.
Eksport jalpy taýar aınalymynyń 75,9%-yn quraıdy. Onyń 20,2% energııa tasymaldaý men munaı shıkizattary, 8,8% azyq-túlik ónimderi, hımııalyq taýarlar 78,3% quraıdy.
Bıylǵy jylǵy qyzmetter eksportynyń kólemi 2,26 mldr dollar. Ol jalpy eksport kóleminiń 24,1%-yn quraıdy. Osylaısha, bıyl sheteldik qyzmetke júginý byltyrǵy jylǵa qaraǵanda 21,9%-ǵa kóbeıgenin baıqaımyz. Al qyzmetter ımporty 1,66 mldr dollarǵa baǵalanǵan. Bul jalpy ımport kórsetkishiniń 12,1%-yn quraıdy.
О́zbekstannan eksporttaýshylar kóshin Qytaı men Reseı bastap, qyzmetter men taýarlardyń eksportynyń 37,1%-yn ıemdenip otyr. Reseı, Qytaı, Qazaqstan, Ońtústik Koreıa men Túrkııaǵa ımporttalǵan taýarlar baǵasy 8,36 mlrd dollarǵa baǵalanǵan.
