Assambleıa saılaıtyn kandıdattardy tirkedi

Ortalyq saılaý komıssııasynyń keshegi otyry­syn­da Komıssııa Qazaqstan halqy Assambleıasy saı­laıtyn Parlament Májilisi depýtattyǵyna 9 kan­dı­dat­ty tirkedi.

Kúntizbelik josparǵa sáı­kes 2011 jylǵy 31 jel­toq­sanda Qazaqstan halqy Assambleıasy saılaıtyn Par­lament Májilisi depýtat­ty­ǵyna kandıdattardy tirkeý aıaqtalady. Saılaý tý­raly zań boıynsha Assambleıa Ke­ńe­si 9 kandıdat usynǵan bo­latyn. Ortalyq saılaý ko­mıs­sııasy olardyń barly­ǵyn tirkedi. Úmitkerlerdiń ishinde eki áıel bar. Kan­dı­dattardyń ortasha jasy – 59 jas. Olar­dyń barlyǵy joǵary bilimdi. Altaýy ǵy­lym, máde­nıet jáne bilim sa­l­alarynyń qyzmetkerleri. Ta­ǵy úsh úmitker – tórtinshi shaqy­ryl­ǵan Qazaqstan Res­pýblıkasy Parlamenti Má­ji­lisiniń de­pýtattary. Tirkelgen kandıdattar saılaý­al­dy úgit jumysyna 2012 jylǵy 1 qań­tardan bastap ki­rise alady.

Otyrysta, sondaı-aq Ort­saılaýkom «Qazaqstan Res­pýb­lıkasy Parlamenti Má­ji­lisiniń jáne máslı­hat­ta­ry­nyń depýtattaryn saılaý jónindegi saılaý bıýlle­ten­deriniń mátinderine ózge­ris­ter engizý rásimi týraly» qaýly qabyldady. Osy kúni Syrtqy ister mınıstrliginiń usynysy boıynsha Ortalyq saılaý komıssııasy taǵy 82 halyqaralyq baıqaýshyny akkredıttedi. Olardyń 27-si – EQYU/DIAQB Baıqaý­shy­lar mıssııasynyń, 31-i – TMD Baıqaýshylar Mıssııa­sy­nyń ókilderi, 4 baıqaýshy Islam Yntymaqtastyǵy Uı­ymynyń baıqaýshylary. Ta­ǵy 20-sy – shet memleketterden kelgen baıqaýshylar.

Osylaısha, qazirgi sátte Ortalyq saılaý komıssııasy 326 halyqaralyq baıqaýshy­ny akkredıttedi. Olardyń 101-i – EQYU/DIAQB-nyń Qazaqstan Respýblıkasyn­da­ǵy kezekten tys parlamenttik saılaýdy baıqaý jónin­degi baıqaýshylar mıssııasy­nyń quramyna, 133-i – TMD-dan baıqaýshylar mıssııa­sy­nyń quramyna, 9-y – Shanhaı yntymaqtastyq uıy­my­nyń baıqaýshylar mıssııa­sy­nyń quramyna kiredi, 9-y – Túrkitildes memleketter yn­tymaqtastyǵy keńesinen, tórt baıqaýshy Islam Yn­ty­maqtastyǵy Uıymynan ókildik etedi, taǵy 70-i – 24 shet memleketten kelgen baı­qaýshylar. Sonymen qatar, Ortsaılaýkom buryn shyǵyp qalǵandardyń ornyna Shy­ǵys Qazaqstan oblystyq saı­laý komıssııasynyń bir mú­she­si men Mańǵystaý ob­lystyq saılaý komıs­sııa­synyń bir múshesin jáne Astana qala­lyq saılaý komıs­sııa­synyń múshesin taǵaıyn­dady.

Otyrystan keıin ótken brıfıngte Ortsaılaýkom bas­shysy Qýandyq Turǵan­qu­lov BAQ ókilderin saılaý naýqanynyń barysy týraly habardar etti. Tóraǵanyń aı­týynsha, saıası partııalar saı­laý komıssııalarynyń qu­ramyna keńesshi daýys qu­qyǵy bar ókilderin joldaý quqyn belsendi paıdalanyp otyr. Qazirgi kezde saılaý komıssııalarynyń quramyn­da osyndaı 1830 ókil jumys isteýde. Olardyń ishinde 1453 kandıdatýrany Qazaq­stan­nyń Jalpyulttyq so­sıal-demokratııalyq partııa­sy usynǵan.

Al Qazaqstannyń «Aq jol» demokratııalyq partııa­sy­nan saılaý komıssııa­la­ry­nyń quramyna keńesshi daý­ys quqyǵymen 224 ókil jiberilgen. Sondaı-aq saılaýkomdar quramyna Qazaq­stan­nyń Kommýnıstik halyq par­tııasynyń – 94, «Ádilet» de­mokratııalyq partııasynyń 59 ókili joldanǵan.

«Osylaısha, barlyq saıası partııalarǵa saılaýdy ázir­leý men ótkizý kezeńinde saılaý organdary jumysyna tıimdi qatysý múmkindigi berilgen, – dep atap ótti Qýan­dyq Turǵanqulov. – Jańa­ózen qalasyndaǵy jaǵdaıǵa keletin bolsaq, daýys berý kúnine daıyndyq qalypty júrip jatyr. Barlyq saılaý komıssııalary jumys isteýde. Saılaýshylar tizimderin jergilikti atqarýshy organdar saılaý komıssııalaryna tap­syr­dy». Elimiz boıynsha bar­lyq saılaýshylar sııaqty bul qalanyń saılaýshylary da 2011 jylǵy 30 jeltoq­sannan bastap saılaý ýchas­ke­leriniń úı-jaılarynda saı­laý­shylar tizimimen tanysa alady.

«Men barlyq saılaý­shy­lar­dy osy múmkindikti paı­dalanýǵa, sóıtip, óziniń saı­laýshylar tizimine engizilýine aldyn-ala kóńil bólýge shaqyramyn, – dedi Ortsaılaýkom basshysy. – Onyń syrtynda saılaýshy óziniń qaı saılaý ýchaskesinde tirkelgenin bizdiń elektrondyq resýrsymyzda kórsetilgen elektrondyq poshtanyń izbiratel_2012@election.kz meken-jaıyna nemese «elek­trondyq úkimettiń» veb-por­talyndaǵy arnaıy izdestirý nysanyna suranys joldaý arqyly teksere alady».

2011 jylǵy 16 qarasha men 19 jeltoqsan araly­ǵyn­daǵy kezeńde Ortsaılaý­kom­ǵa jeke jáne zańdy tul­ǵa­lardan 85 ótinish kelip tús­ken eken. Olardyń ishinde 64 ótinish saılaý naýqanynyń ártúrli aspektileri boıyn­sha, taǵy 21-i – saılaý organ­darynyń, saılaý úderisine qatysýshylardyń jáne bu­qa­ra­lyq aqparat quraldary­nyń qyzmetine baılanysty.

Álısultan QULANBAI.