Konkýrs komıteti Almatynyń qoǵamdyq kóliktegi tabystyń ashyqtyǵyna sıfrlyq tehnologııany paıdalanýy, onyń ártúrligi men qoljetimdiligi, sarapshylar men bıznestiń qatysýy, MJÁ mehanızminiń utymdy qoldanylýy, ekologııany jaqsartýǵa basymdylyq berýi syndy basty krıterıılerdi atap ótti. Aıta keterligi, bıyl qalada avtobýs parkterin jańartý deńgeıi 80%-ǵa jetetin bolady. Jeke ınvestısııa esebinen úshinshi býyndaǵy elektrobýstar shyǵaratyn avtobýs parki men zaýyt salyndy. Elektrobýstardy qala baǵyttary boıynsha júrgizý megapolıs ekologııasyna oń áser etedi.
Elimizde alǵash ret BRT júıesi iske asty, qoǵamdyq kólik úshin 110 km arnaıy jolaqtar jasaldy, qalanyń 10 ortalyq kóshesine birjaqty kólik qozǵalysy engizildi, Orbıtadan Kókbazarǵa deıin velodáliz jasaqtaldy.Metronyń eki beketiniń qurylysy júrýde, ol qalany tynysh aýdandarmen jáne keıin qosylǵan eldi mekendermen baılanystyratyn bolady.
Qazirgi kezde Almatydaǵy qoǵamdyq kólikterde barlyq tranzaksııalardyń 97 paıyzy qolma-qol aqshasyz júzege asýda, GPS-júıesi arqyly dıspetcherlik basqarýdyń avtomatty júıesi jumys isteýde, barlyq avtobýstarǵa vıdeokameralar ornatylǵan, tasymaldaýshylardy sýbsıdııalaýǵa qatysty jolaýshylardyn túsken shaǵym boıynsha aıyppul salý júıesi qolǵa alyndy.
Qalada JKA-na qatysty foto-vıdeofıksasııa júıesi jumys isteıdi, 709 qozǵalys jolaǵy baqylaýǵa alynǵan, keler jyldan bastap baqylaý núkteleri eki ese artady.
Kólik júıesin reformalaýda qala basshylyǵy úzdik halyqaralyq mamandarmen birigip jumys isteýde. Olardyń arasynda qoǵamdyq kólik keńistigi men kóshelerdi modernızasııalaýmen aınalysatyn «Gehl architects», «Turaqty kólik» jobasy boıynsha jumys isteıtin PROON, kólik qozǵalysynyń keshendi syzbasyn jasaıtyn «A+S Transproekt»,«Systra» kompanııalary jáne Almatynyń sheber- jospar konsepsııasyn jasaýǵa kirisken kanadalyq- amerıkalyq «HATCH» kompanııasy bar.
Aıta keterligi,«Smart city» forýmy Lıýblıanda 2011 jyldan bastap ótýde jáne Eýropa men Azııa qalalarymen yntymaqtastyqty nyǵaıtýǵa, «Aqyldy qalalar» sıfrly tranformasııasyn birigip júzege asyrýǵa baǵyttalǵan.
