SERPINDI SERIKTESTIK

Eki el arasyndaǵy dostyq qarym-qatynas táýelsizdik jyl­da­ry ishinde jaqsy jalǵasyp kele jatqany belgili. Aıtalyq, álemdi sharlaǵan daǵdarysqa qa­ra­maı, saýda salasyndaǵy  eki­jaq­ty baılanys ótken jyly 12,2 mıllıard dollardy qurap­ty. Mundaı ilgerileýshilik mu­naı-gaz, elektr energetıkasy, atom energııasy boıynsha da oń qadamdarǵa ıe bolypty. Al aımaqtar arasyndaǵy qarym-qa­tynasqa keler bolsaq, Reseıdiń 70 óńiri bizdiń Otanymyzdyń she­karalyq oblystarymen serik­testikte jumys jasaıdy. Olar­dyń ishinde Chelıabi, Orynbor, Omby, Sverdlov, Novosibir oblystary bar. О́tken jyldyń qyrkúıek aıynda Orynbor qalasynda eki memleket arasyndaǵy úlken fo­rým ótip, onda atqarylǵan ju­mystar men alda turǵan mindet­ter jan-jaqty talqylanǵany málim. Sol sekildi ǵylymı-tehnıkalyq baılanystar da keń óris alǵan. Ásirese, Qazaqstan-Reseı memleketteri ınnovasııa­lyq bastamalar aıasynda “Ro­s­na­no” kompanııasymen birlikte na­notehnologııany damytý jaıy da jolǵa qoımaq. Ǵaryshty ıgerý, áskerı tehnıka salalary boıyn­sha da ıgilikti ister óz she­shimin taýyp, mádenı-gýmanı­tar­lyq baılanystar  tereńdetile bere­tini, ol ústimizdegi jyly naqty is-sharalarǵa ulasatyny kúmán týǵyzbaıdy. Buǵan qosa, bıylǵy jyldyń basynda El­basymyz Nursultan Nazarbaev­tyń bizdiń Otanymyzǵa saparmen kelgen Máskeý jáne Búkil Reseı Pa­trıarhy Kırıllmen kezdesýi eki el arasyndaǵy qarym-qaty­nastyń jyly shyraıly damyp otyrǵanynyń ádemi kórinisi bolǵany taǵy ras. Birneshe ǵasyrlar boıy jal­ǵasqan baılanys eldigimizdi ja­rııa­lap, eńsemizdi tiktegeli beri ser­pindi serpiliske ulasyp, álem­dik máselelerde ortaq arnada toǵysyp keledi. Baspasóz ókilderimen dıdar­las­qan Reseı Syrtqy ister mı­nıstri Sergeı Lavrov Qazaqstan basshysymen júzdesý jyly shyraıly jaǵdaıda ótkenin alǵa tartyp, áriptesi, Qazaqstan Res­pýb­lıkasynyń Memlekettik hat­shysy – Syrtqy ister mınıstri Qanat Saýdabaev ekeýi Prezı­dent­ti álemdegi jáne eki mem­le­ket­tiń arasyndaǵy  serpindi árip­testik týraly kelissózder haqyn­da habardar etkenin jetkizdi. Dıdarlasý kezinde memleketter arasyndaǵy berik baılanystar, eki elge ortaq qurylymdar tý­ra­ly sóz bolǵanyn, bıyl Qazaq­stannyń EQYU-ǵa tóraǵalyq, al Reseıdiń TMD-ǵa tóraǵalyq qyzmetteri úlken is-qımylmen bastalǵanyn nazarǵa saldy. Sol sekildi Ujymdyq qaýipsizdik týraly shart uıymyna, EýrAz­EQ-qa, AО́SShK-ge, ózge uıym­dar­ǵa múshe bolýmen birge,  Qa­zaqstan, Reseı jáne Belarýs arasyndaǵy Kedendik odaqtyń qurylýy bul ekonomıkalyq jaǵynan tıimdi bolatynyn, onyń alǵashqy qadamdary óz nátıjesin bere bastaǵanyn atap ótti. “Eki memleket te  BUU-dan bas­tap birqatar halyqaralyq uıymdarǵa múshe, sol sebepten de barlyq strategııalyq jumys birlikte keńese otyryp sheshilip keledi. EQYU-ǵa Qazaqstannyń tóraǵa­ly­ǵy úlken jetistik bolýmen birge, dúnıejúzilik qaýymdastyq aldyna aýqymdy máseleler júk­teıdi. Qazaqstan­nyń túrli ba­ǵyt­tardaǵy bastama­laryn, ásirese, Azııadaǵy beıbitshilik týraly túıindi jumystaryn qoldaımyz”, – degen reseılik mınıstr bizdiń ortaq istegi oı-baılam, baǵyt-baǵdarymyzdy Qazaqstan Prezı­denti Nur­sul­tan Nazar­baevtyń qyzý qýat­tap kele jatqanyn aıtty. Árip­tes eki memleket te tóraǵalyq qyzmetti abyroımen atqarýǵa kelistik, dep sóz aıaǵyn túıdi. Sonymen qatar, S.Lavrov Qazaqstan Respýblıkasynyń Memlekettik hatshysy – Syrt­qy ister mı­nıstri Qanat Saý­da­baevty óz mem­leketine saparmen kelip qaı­týǵa shaqyrdy. Súleımen MÁMET.