Aıta ketsek, Ámir Baıǵazın 2013 jyly «Aslannyń sabaqtary» fılmi úshin osy atalymda baq synap, kınojúldeniń joǵary baǵasyna ıe bolsa, endi mine, bul qatarǵa «О́zen» de qosyldy.
– «О́zen» fılmine qatysty jylt etken jańalyqtyń barlyǵy meni jáne shyǵarmashylyq komandamdy qatty qýantady. Osy oraıda birlese jumys istegen áriptesterime alǵysymdy bildirgim keledi. Sondaı-aq maǵan qoldaý kórsetip, senim bildirgen Mádenıet jáne sport mınıstrligine alǵys aıtamyn. Bolashaqta da qarym-qatynastarymyz nyǵaıyp, ortaq tabystarǵa qol jetkizetinimizge senimdimin, – dep pikir bildirdi bul aıtýly sát jóninde rejısserdiń ózi.
Túrkistan oblysy aýmaǵynda túsirilgen kınokartına rejısserdiń buǵan deıin jaryqqa shyqqan «Aslannyń sabaqtary» jáne «Tórt oqıǵa» fılmderinen keıingi tyń týyndysy. Iаǵnı, «О́zen» fılmi – Aslan týraly trılogııanyń sońǵy bólimi. О́rkenıetten alys jerde turatyn aǵaıyndy bes jigittiń qaladan kelgen qonaqpen tanystyqtan keıingi basqa arnaǵa burylyp, kúrt ózgergen ómiri, tirshilik tynysy jaıly baıandalatyn kınotýyndy Qazaqstan (Mádenıet jáne sport mınıstrligi, Sh.Aımanov atyndaǵy «Qazaqfılm» AQ, Emir Baigazin Production), Norvegııa (Norsk Filmproduksjon) jáne Polsha (Madants) syndy birneshe memlekettiń atsalysýymen jaryqqa shyqqan bolatyn.
Kezekti kınobaıqaýdyń irikteý kezeńinde talqylaýsyz tańdalǵan «О́zenniń» endigi taǵdyry Aýstralııanyń Brısben qalasynda osy jyldyń 29 qarashasynda ótetin baıqaýdyń qorytyndy keshinde anyqtalatyn bolady. Buǵan deıin álemniń kóptegen beldi kınofestıvaldarynda joǵary baǵaǵa ıe bolyp júrgen fılmniń bul joly da juldyzy ońynan týyp, HHII Asia Pacific Screen Awards júldesiniń jeńimpazdary qatarynan kórinetindigine senim mol.
Esterińizge sala keteıik, atalǵan týyndy jaqyn kúnderi Los-Andjeleste ótetin Asian World film festival kınofestıvaliniń konkýrstyq baǵdarlamasyna qatysady. Sondaı-aq Varshava men San-Paolodaǵy festıvaldyń arnaıy baǵdarlamalarynda kórsetiledi. Budan bólek, fılminiń azııalyq tusaýkeseri 2018 jyldyń 25 qazany men 3 qarashasy aralyǵynda Tokıo halyqaralyq kınofestıvaliniń konkýrstyq baǵdarlamasy sheńberinde ótedi dep josparlanýda.
Nazerke JUMABAI,
«Egemen Qazaqstan»
