Eki kúnge jalǵasqan «О́rkenıetter dıalogy: adamzat taǵdyryna ortaq qaýymdastyq qurylysy» dep atalatyn forýmǵa álemniń kóptegen memleketterinen júzdegen ókilder, saıasatkerler, ǵalymdar, dıplomattar qatysty. Forýmǵa qatysqan Halyqaralyq Túrki akademııasynyń turaqty hatshysy Ashat Kesikbaev jıynnyń «Adamzat tarıhyndaǵy bir jol-bir beldeý» atty seksııasynda Akademııa prezıdenti Darhan Qydyráliniń «Jibek joly órkenıeti» atty maqalasyn tanystyrdy.
Qytaı qoǵamdyq ǵylym akademııasy ulttar ádebıeti ınstıtýtynda ekijaqty kezdesý ótip, áriptestikti damytý, jańa jobalardy uıymdastyrý boıynsha pikir almasý boldy.
