Qazaqstan Respýblıkasy Mádenıet jáne sport mınıstrligi «Áziret Sultan» memlekettik tarıhı-mádenı qoryq-mýzeıiniń 40 jyldyq mereıtoıyna oraı mýzeı qoryndaǵy qundy jádigerler negizindegi shyǵarylǵan albom-katalogtar «Túrkistan jazırasynyń qysh ydystary» men «Zergerlik buıymdar toptamasy», «Áziret Sultan» qoryq-mýzeıiniń 40 jyldyq damý tarıhyndaǵy muraǵattar qamtylǵan «40 jyldyq albom», sondaı-aq ár kezeńde hatqa túsken, el aýzynda aıtylyp júrgen ańyz ápsanalardan jınaqtalǵan «100 ańyz» kitaby jáne «Jetpis hıkmet» kitabynyń latyn álipbıindegi nusqasy jaryq kórdi.
Qoryq-mýzeıdiń 40 jyldyǵyna arnalǵan «ULY JIBEK JOLY boıyndaǵy ortaǵasyrlyq qalalar» halyqaralyq ǵylymı-praktıkalyq konferensııasy aıasynda ótken tarıhı kitaptardyń tusaýkeser rásimin "Áziret Sultan"memlekettik tarıhı-mádenı qoryq-mýzeıiniń dırektory Ahmetjanov Nurbolat Qadyruly quttyqtaý sózben ashyp berip, QR Mádenıet jáne sport mınıstrliginiń Zań departamentiniń basqarma basshysy Tajıhanov Seraly, Halyqaralyq qazaq-túrik ýnıversıtetiniń rektory Bolatbek Abdrasılov, Túrkistan oblysynyń Mádenıet jáne tilderdi damytý basqarmasynyń Mádenıet jáne óner bóliminiń basshysy Ǵalııa Sharafıeva lentasyn qıdy.
«Túrkistan jazırasynyń qysh ydystary»
Bul aqparattyq ǵylymı tanymdyq albom – katalogta «Áziret Sultan» memlekettik tarıhı-mádenı qoryq mýzeıi qoryna 40 jyldan astam ýaqyt boıy jınaqtalǵan, Túrkistan aımaǵyndaǵy kóne qalalar men qonystar oryndarynda júrgizilgen arheologııalyq zertteý-qazba jumystary barysynda tabylǵan qysh ydystardyń erekshe úlgileri berilgen. Albom- katalog qyshtan jasalǵan qol óner buıymdarynyń birqatar taqyryptaryn ashyp tarqatýǵa, keramıkanyń hronologııalyq damý kezeńderin naqtylaýǵa, jergilikti keramıka óneriniń damý tarıhynyń ózge aımaqtarmen baılanysyn anyqtaýda mýzeı qyzmetkerleri men bolashaq arheolog mamandarǵa kómekshi qural retinde usynylady.
«Zergerlik buıymdar toptamasy»
Katalogta Qazaqstan Respýblıkasy «Áziret Sultan» memlekettik tarıhı-mádenı qoryq-mýzeıi qorynda saqtalǵan zergerlik áshekeı buıymdar toptamasy berilgen. Katalogta zergerlik áshekeı buıymdardyń jasalý tehnologııasyn, ádis-tásilderin sıpattaı otyryp, zergerlik áshekeılerdiń qoldanylýy men erekshelikterine toqtalady. Katalog mýzeı qyzmetkerlerine jáne kópshilik oqyrmanǵa arnalǵan.
«100 ańyz»
Kitapta ár túrli kezeńde hatqa túsken, sondaı-aq el ishinde aýyzsha aıtylyp kelgen halqymyzdyń ańyz-áfsanalary jınaqtalǵan. Kitap óziniń derektiligimen, buryn sońdy jarııalanbaǵan tyń málimetterimen qundy. Jınaq ǵalym-mamandarǵa, oqytýshylarǵa, joǵary oqý ornynyń stýdentteri men jalpy kópshilik qaýymǵa arnalady.
«Jetpis hıkmet»
Áýlıelerdiń sultany Qoja Ahmet Iаsaýı babamyzdyń sońynda qalǵan telegeı-teńiz murasy búkil adam balasyna ortaq rýhanı qazyna. Sol rýhanı qazynadan alynǵan jetpis hıkmet «Áziret Sultan» qoryq-mýzeıine kelýshiler men jalpy oqyrmandarǵa latyn álipbıinde jol tartyp otyr.
«40 jyldyq albom»
Kitapta «Áziret Sultan» memlekettik tarıhı-mádenı qoryq-mýzeıiniń 40 jyldyq damý tarıhyndaǵy muraǵattyq derekter men fotosýretter qamtylǵan. Jınaq mýzeı qyzmetkerlerine, mádenıet mekemelerine jáne kópshilik oqyrmanǵa arnalǵan.
