Sheneýnikter endi kórpesine qaraı kósilip, memlekettiń aqshasyn jónsiz shashpaýǵa tıis. Eń úlken djıpti minip, eń úlken kabınette otyrmasa ózin qor sezinetin mentalıtetten arylý kerek. Jumys babyndaǵy saparmen Qaraǵandy oblysyna barǵan Qasym-Jomart Toqaev aımaqtyń atqaminerleri men ıgi jaqsylary jınalǵan basqosýda osy máseleni tótesinen qoıdy.
-Qarjy áleýmettik mańyzy bar jobalardy iske asyrýǵa baǵyttalýy tıis. Qarjyny únemdeýge erekshe nazar aýdarylýy qajet. Endi qymbat qyzmet kólikteri, joǵary laýazymdy sheneýnikterdiń atshaptyrym kabınetteri men basqa da ústemdik kórsetkishteri kóneniń kózi sekildi tarıh qoınaýyna ketetin kezi alys emes ,- dedi Senat Tóraǵasy.
Eýropanyń talaı jerinde boldyq. Kabınetteri jupyny ǵana. Kólikteri de qarapaıym. Al bizde jańa oblys, tipti jańa aýdan ashylsa, bar jumys sáýletti ákimshilik ǵımaratynan bastalady. Únemshil bolý týraly ótkende Elbasy da aıtty Joldaýynda. Endigi másele osy qarapaıymdylyq pen únemshildikti sheneýnikterden Siz ben bizdiń talap etýimizge baılanysty bolmaq.
