Zaýyttaǵy ınnovasııalyq jańalyqtar senatorlardyń nazaryna usynyldy. «Bizdiń zaýytymyz jańa tehnologııalardy qoldana otyryp, kópirlerdiń aralyq qurylysynyń baǵasyn tómendetýdi usynady. Bul óz kezeginde, bıýdjet qarajatyn 30 paıyzǵa deıin únemdeýge múmkindik beredi», - dedi zaýyt dırektory Shýhrat Shardınov.
Senat depýtattary ónimniń qazaqstandyq úlesiniń paıyzyn naqtylaýdy surady. Zaýyt basshylyǵy Qazaqstannyń úzdik óndirýshileri óndirgen sement, shaǵyl jáne basqa da barlyq materıaldar paıdalanylatynyn jetkizdi. О́ndiris orny elimizde shyǵarylmaıtyn ınnovasııalyq jabdyqty ǵana syrttan aldyrýǵa májbúr.
«Búgin, biz, kásiporynnyń turaqty jumys isteıtinine kýá boldyq. Zaýyt shyǵaratyn ónim elimizde ǵana emes, kórshi memleketterde paıdalanatyny qýantady», - dedi T.Muqashev.
Zaýyt qyzmetkerleriniń aldynda sóz alǵan D.Nóketaeva kezdesý Elbasynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» Joldaýy aıasynda ótip jatqanyn atap ótti. «Zaýyttyń áleýmettik baǵdardaǵy kásiporyn ekenine kóz jetkizdik. Jumyskerler úshin barlyq jaǵdaı jasalǵan: ashana, dúken, medısına ortalyǵy, shashtaraz jáne sportpen aınalysýǵa da múmkindik beretin fıtnes-zal bar. Biz Sizdermen pikir almasyp, búgingi tańda otandyq óndirýshilerdi tolǵandyrǵan máselelerdi sheshýge qolǵabys jasaýǵa ázirmiz», - dedi senator.
«Zaýyt ujymy Elbasynyń Joldaýyn tolyq qoldaıdy. Joldaý bul – árbir azamattyń sózden naqty iske kóshýdegi nusqaýlyǵy. «Nurly jol» jáne «Nurly jer» memlekettik baǵdarlamalarynyń oryndalý merzimi 2025 jylǵa deıin uzartyldy degen jańalyqty zaýyt qyzmetkerleri asa qýanyshpen qabyldady. Demek, aldaǵy 7 jylda jol qurylysy salasynyń jumys kólemi aýqymdy bolady degen sóz», - dedi zaýyt ujymynyń atynan «Jas Otan» lıderi Danııar Ibragımov.
Sapar aıasynda Senat depýtattary Baqytjan Jumaǵulov, Dınar Nóketaeva men Tóleýbek Muqashev Qazaq memlekettik áıelder pedagogıkalyq ýnıversıtetiniń oqytýshy-professorlar quramymen jáne stýdenttermen kezdesti.
