Brıfıng barysynda Vıse-mınıstr 2019 jylǵy 1-shi qańtardan bastap Qazaqstan medısınalyq qyzmetterdi kórsetýdiń elektrondy formatyna tolyq kóshetinin atap ótti. Brıfıng aıasynda medısınalyq aqparattyq júıeni engizý, sıfrlyq saýattylyq oryndarynyń jumysy, bazasynda elektrondy densaýlyq tólqujaty jasalatyn densaýlyq saqtaýdyń ıntegrasııalyq tuǵyrnamasyn óristetý jáne t.b. sııaqty máseleler qaraldy.
Vıse-mınıstr qazirgi mezette halyqqa sıfrlyq mashyqtardy úıretetin 546 sıfrlyq saýattylyq oryndarynyń ashylǵandyǵyn habarlady. Búginde 6 mıllıonǵa jýyq adam oqytyldy.
Sondaı-aq, O.Ábishev bazasynda eldiń medısınalyq uıymdaryndaǵy pasıentterdi tekserýden ótkizý men emdeý nátıjeleri, onyń ishinde buryn aýyryp jazylǵan sozylmaly aýrýlar, dárilik zattarǵa múmkin bolatyn allergııalyq reaksııa, tamaqtaný, dıeta jáne t.b. boıynsha berilgen usynystar týraly málimetterdi qosa alatyn elektrondy densaýlyq saqtaý tólqujaty jasalatyn densaýlyq saqtaýdyń ıntegrasııalyq tuǵyrnamasyn óristetý týraly baıandady.
Astana qalasynda 25-26 qazan aralyǵynda maqsaty elektrondy densaýlyq saqtaýdy damytý, sıfrlyq ınnovasııalar, ınfraqurylym jáne qaýipsizdik, málimetterdi taldaý, ıntegrasııa men úılesimdilik salasyndaǵy jetistikter men tájirıbelik sheshimderdi kórsetý bolyp tabylatyn «Astana Digital Health" Halyqaralyq IT-Kórmesi ótedi.
