Úkimet • 22 Qazan, 2018

Nurlan Nyǵmatýlın Japonııa delegasııasymen kezdesti

453 ret
kórsetildi
2 mın
oqý úshin

Qazaqstan Respýblıkasy Parlamenti Májilisiniń Tóraǵasy Nurlan Nyǵmatýlın Astanada ótken «Inves­tısııa – jastarǵa!» halyqaralyq konferensııasy aıasynda Halyqtyń qonystanýy jáne damýy jónindegi Azııa qaýym­dastyǵynyń tóraǵasy, Japonııanyń burynǵy Premer-mınıstri Iаsýo Fýkýda bastaǵan delegasııa ókilderimen kezdesti, dep habarlady Májilistiń baspasóz qyzmeti. 

Nurlan Nyǵmatýlın Japonııa delegasııasymen kezdesti

N.Nyǵmatýlın márte­be­li meı­manǵa mańyzdy jıyn­ǵa qa­tysyp, mazmundy baıandama jasaǵany úshin alǵysyn jetkizdi. Jáne osy konferen­sııada aı­tylǵan pikir­ler, ázirlengen usy­nymdar qa­ty­sýshy elderdiń aldaǵy birles­ken jumysyna serpin bere­tinine senim bildirdi. 

Palata Spıkeri atap ót­kendeı, Qazaqstan Parla­menti Halyq­tyń qonystanýy já­ne damýy jónindegi Azııa par­lamen­tarııleri forýmy ju­mysyna belsene qatysady. «In­ves­tısııa – jastarǵa!» kon­fe­ren­sııasy osy birlesken jumystyń nátıjesi. 

Áńgime barysynda jas­tar má­selesine aıryq­sha na­zar aýdaryldy. N.Nyǵ­­­­matýlınniń sózin­she, Qazaq­stan Prezıdenti Nursultan Nazarbaev árbir Jol­­­da­ýyn­da, árbir mańyzdy bas­tama­larynda eń aldymen jas­tar máse­lesine ba­symdyq beredi. Bul – mem­lekettik saıa­sattyń mańyzdy bóligi. 

О́z kezeginde Iаsýo Fýkýda Qa­zaqstandaǵy jastar saıasa­tyn erekshe qoldaıty­nyn, olar el da­mýynyń irgeta­sy bola alatynyn aıtty. Jáne bizdiń elimizde jastardy jan-jaqty qoldaý­dyń múmkin­­di­­gi zor ekenin alǵa tartyp, osy salada yntymaqtastyqty da­my­týǵa degen ynta-yqy­la­syn bildirdi. 

Odan ári taraptar ekijaqty qarym-qaty­nasty, sonyń ishinde, parlamentaralyq baı­lanysty nyǵaıtý jaıyn sóz etti. 

Aıta ketsek, bıyl eki el ara­synda dıplomatııalyq qaty­nastyń ornaǵanyna 25 jyl toldy. Osy ýaqyt ishinde Astana men Tokıo bir-birine tyǵyz qoldaý kórsete oty­ryp, senimdi áriptester bolyp keledi. 

Májilis Tóraǵasynyń aı­týyn­­­sha, ıadrolyq qarý­syz­­daný jáne taratpaý, atom energııasyn beı­bit maq­sa­tta paıdalaný, basqa da halyq­aralyq ózekti máse­leler boıynsha bizdiń el­deri­mizdiń ustanymy óte jaqyn.

Osy rette Iа.Fýkýda Qazaq­­­stan Pre­zıdentiniń halyq­­aralyq bastamalaryn erek­she baǵa­laıtynyna jáne biz­diń elimizdiń joǵary damý deń­geıine jetýinde Memleket bas­shy­synyń róli zor ekenine toqtaldy. 

 Kezdesý ıeleri barlyq salada yqpaldastyqty kúsheıtý joldaryn talqylaı kelip, ortaq maqsat jolynda birlese atqarǵan jumystar bizdiń elderimizdiń ózara tıimdi jáne kópqyrly áriptestigin tereń­detetinine senim bildirdi. 

Sondaı-aq osy konferensııa aıasynda Májilis Tóraǵasy Nurlan Nyǵma­týlın Qyrǵyz Res­pýblı­kasy Jogorký Kene­shi tóraǵa­synyń orynbasary Mırlan Bakırov, sonymen birge О́zbekstan Olıı Ma­jlısi Zań shyǵarýshy palatasy tóraǵasynyń orynbasary Bo­rıı Alıhanov bastaǵan delegasııa ókilderin qabyldap, elder arasyndaǵy qarym-qatynasty damy­týdyń ózekti máselelerin ortaǵa saldy.

Sońǵy jańalyqtar