«Súıispenshilik sabaqtary» – bul Sara Nazarbaevanyń pedagogtar, oqýshylar jáne túlektermen dástúrli kezdesýi. Bul joly atalǵan sharaǵa elimizdiń barlyq aımaqtarynan kelip, «Bóbek» ortalyǵynda «О́zin-ózi taný» baǵdarlamasy boıynsha biliktilikti arttyrý kýrstarynda bilim alyp jatqan ustazdar qatysty. Baǵdarlama avtory pedagogtarǵa qazirgi kezdegi álemdegi rýhanı jáne adamgershilik qundylyqtary týraly aıta kele, balanyń jeke tulǵa retinde qalyptasýyndaǵy muǵalimderdiń atqaratyn róliniń mańyzdylyǵyna toqtalyp, adamnyń shynaıy baqyty týraly óziniń oı-pikirimen bólisti.
– Ár náreste shyr etip, dúnıege kelgende onyń keleshegi men taǵdyry peshenesine jazylady. Al meniń mańdaıyma ata-ananyń qamqorlyǵynsyz qalǵan balalarǵa jebeý bolý jazylǵan eken, – deıdi Sara Alpysqyzy.
Sondaı-aq Sara Nazarbaeva hanym elimizdegi balalardyń múddesin barynsha joǵary qoıýmen qatar, jas urpaqtyń taǵdyryn rýhanı-adamgershilikpen sabaqtastyryp, bolashaq urpaqty izgilik besigine bóleýdiń qajettigi jaıynda da tartymdy áńgimeniń tıegin aǵytty.
Ǵalym SÚLEIMEN,
«Egemen Qazaqstan»
ALMATY
